Aravot.am-ի տեղեկություններով առողջապահության նախարարի պաշտոնակատար Դերենիկ Դումանյանն այսօր աշխատանքային օրվա ավարտին հրաժեշտ է տվել իր տեղակալներին, ոչ թե վաղը նորից նախարարությունում հանդիպելու ակնկալիքով, այլ պաշտոնը լքելու համար:
Մեզ հասած տեղեկություններով` Դերենիկ Դումանյանի որդուն` Գուրգեն Դումանյանին, որը Ազգային Ժողովի աշխատակազմի ղեկավարն է, Հովիկ Աբրահամյանը տանում է կառավարություն` որպես կառավարության աշխատակազմի ղեկավար-նախարար Դավիթ Հարությունյանի տեղակալ: Գուրգեն Դումանյանը առողջապահության նախարարության Ծրագրերի իրականացման գրասենյակի տնօրեն է եղել, սակայն հոր` Դերենիկ Դումանյանի նախարարության ժամանակ իրավունք չուներ նույն պետական հիմնարկում աշխատել, ուստի նրան տեղափոխել էին ԱԺ: Նախարարությունում խոսում են, որ հայրը հանուն որդու «զոհեց» իր պաշտոնը, քանի որ մոտ ազգականներն իրավունք չունեն կառավարությունում միաժամանակ բարձր պաշտոններ ունենալ:
Yerkir.am-ի տեղեկություններով էլ առողջապահության նախարար է նշանակվելու «Իզմիրլյան» բժշկական կենտրոնի տնօրեն Արմեն Մուրադյանը:
Կարդացեք նաև
Նելլի ԲԱԲԱՅԱՆ
Կարծում եմ պրակտիկ բժիշկ աշխատած Արմեն Մուրադյանին կհաջողվի Դումանյանի կողմից ավելորդ թղթարարության վերածած բժշկական ոլորտը ոտքի կանգնեցնել և վերականգնել գիշեր ու զօր աշխատող բժշկի երբեմնի հեղինակությունը:Մնում է սպասել լավագույն բարեփոխումների: