«Մեր դասագրքերում նշված է 1915-ի դեպքերի մասին»,-ԱՄՆ Սենատի արտաքին հանձնաժողովի նախագահ Էդ Ռոյսը Ծիծեռնակաբերդի հուշահամալիրում այսօր ծառատունկի արարողությունից հետո լրագրողների հետ զրույցում խոսելով 1915 թ-ի դեպքերի մասին, ասաց, որ ցեղասպանությունը ճանաչվել է նախագահ Ռոնալդ Ռեյգանի կողմից, որը կարևորել է խնդրի մեծությունը:
Պարոն Ռոյսը նաև նշեց, որ ցեղասպանությունից զատ իրենք այստեղ ենք, որպեսզի Հայաստանի հետ ավելի խորն առևտրային հարաբերություններ ձևավորվեն և ներդրումները մեծացնեն. «Ամերիկահայերի ջանքերով այնպես պետք է անենք, որ Հայաստանն աշխարհի քարտեզի վրա առավել տեսանելի տեղ զբաղեցնի: Անում ենք ամեն ինչ, որ երկու երկրների միջև պետք գործարար կապերն ամրապնդվեն»:
Կոնգրեսական Էլիոտ Էնգելն իր խոսքում ասաց, որ ԱՄՆ-ի ժողովուրդը ճանաչում է Հայոց ցեղասպանությունը, որի մասին գիտի Թուրքիան: Նա նաև նշեց. «Ունենք ամերիկահայ կենսունակ ակտիվ համայնք, որը բարձրաձայնում է Հայոց ցեղասպանության մասին, և ԱՄՆ-ի ժողովուրդը գիտի դրա մասին, ճանաչում է Հայոց ցեղասպանությունը, և Թուրքիան ևս դա պետք է ընդունի»:
Կոնգրեսական (Ռոուդ Այլենդ) Դեյվիդ Սիսիլին նշեց. «Ինձ համար այս օրը պատիվ է այստեղ գտնվելը, մեր համայնքում ունեն հայտնի հայ անձնավորություններ: Մենք այստեղ ենք ճանաչելու և մեր գնահատականը տալու Հայոց ցեղասպանությանը: Պատրաստ ենք զորավիգ լինել հայ ժողովրդին»:
Կարդացեք նաև
Տաթև ՀԱՐՈՒԹՅՈՒՆՅԱՆ
