Այսօր առավոտից Ծիծեռնակաբերդի հուշահամալիր են այցելում ՀՀ-ում հավատարմագրված դեսպաններ:
ՌԴ արտակարգ եւ լիազոր դեսպան Իվան Վոլինկինը Ծիծեռնակաբերդի հուշահամալիր էր բերել Ռուսաստանի Պետդումայի կողմից ընդունված 1995 թվականի հայտարարությունը, որը կոչվում է 1915-1922 թվականների դատապարտումը: Նա հատված ընթերցեց այդ հայտարարությունից, որտեղ նշված էր, որ եղբայրական հայ ժողովրդի ֆիզիկական ոչնչացումը եւ պատմական հողերից վտարումը նպատակ է ունեցել նաեւ նախադրյալներ ստեղծել ՌԴ-ի ոչնչացման համար:
Դեսպանը մասնավորապես նշեց. «Պատմությունը փոխկապակցված է եւ այդ պատճառով մենք պետք է ճիշտ գնահատական տանք անցած դարասկզբի իրադարձություններին եւ կոչ անենք, որ միջազգային հանրությունն էլ դատապարտի»:
ՀՀ-ում Լեհաստանի դեսպան Զդիսլավ Ռաչինսկին չէր ընթերցել Էրդողանի հայտարարությունը և չմեկնաբանեց այդ հայտարարությունը: Դեսպանը մասնավորապես նշեց. «Լեհաստանը տվել է 1915 թ-ի դեպքերի քաղաքական ու բարոյական գնահատականը, բայց միաժամանակ կարծում ենք, որ հարցի լուծումը և տարածաշրջանում խաղաղության ու կայունության պահպանումը հնարավոր է միայն երկխոսության ճանապարհով: Այդ պատճառով մենք բարձր են գնահատում Սերժ Սարգսյանի երկխոսելու ցանկությունը և հարցը խաղաղ ճանապարհով լուծելու հնարավորությունը»:
Կարդացեք նաև
Տաթև ՀԱՐՈՒԹՅՈՒՆՅԱՆ
Ճշտանման է դեսպանի խոսքը, իսկ որն է դեղատոմսը:Ձուլել հայերին, թե* գրավվել ու վերանալ հայի ձեռքով:Ոսկե միջինը ո*րն է:Չէ որ մի գետը երկու անգամ չեն մտնում, իսկ մտնողը երրորդ անգամ մտնելը չի կարող բացառել: