Այսօր Aravot.am-ի հետ զրույցում Սամվել Բալասանյանի մամլո խոսնակ Զոհրապ Եգանյանը կարծիք հայտնեց, որ սգալու փոխարեն պետք է մտածել թուրքերից վրեժ լուծելու մասին:
Ըստ նրա, Ցեղասպանության զոհերի նկատմամբ լավագույն հարգանքը կլինի հզոր պետականություն ու հզոր տնտեսություն կառուցելը, աճող սերնդի մոտ Արևմտյան Հայաստանը հետ բերելու գաղափարը սերմանելը: «Այս պահի դրությամբ, իմ կարծիքով, դպրոցական մակարդակում դա չի արվում, դասագրքերում հայը ներկայացվում է որպես թույլ մարդ…Անտրամաբանական է, երբ որ երկու ասկյարով կարող էին հարյուր հոգու սպանել, երբ որ մեր աղջիկներին էին բռնաբարում, այդ ամենը ներկայացվում է, և ոչ ոք չգիտի, թե դրա հետևանքը հոգեբանական ո՞րն է…: Մենք պետք է խոսենք, շատ խոսենք Վանի, Զեյթունի մասին, ազատագրական պայքարի մասին, որ մղվեց Արևմտյան Հայաստանում, հասկանալ` ի՞նչն էր պատճառը…1.5 միլիոն մարդ սպանելը այդքան էլ հեշտ չէ, բայց ինչո՞ւ կարողացան երիտթուրքերը այդքան հեշտությամբ անել: Ո՞ւր էին մեր տղամարդիկ, ո՞ւր էր մեր քաղաքական էլիտան, ո՞ւր էին մեր ֆիդայական ջոկատները, ի՞նչն էր այս ամենի պատճառը:
Մինչև այսօր մենք դատապարտում ենք Թուրքիային, այո, Թուրքիան դատապարտելի է, Թուրքիան ցեղասպան, արյան մեջ թաթախված պետություն է, բայց ի՞նչն էր պատճառը, որ մենք չկարողացանք ինքներս մեզ պաշտպանել: Դա գովելի չէ, երբ մարդն ինքն իրեն չի կարողանում պաշտպանել, առավել ևս ազգը»,- ասում է Զոհրապ Եգանյանը:
Մանրամասները` տեսանյութում
Կարդացեք նաև
Նունե ԱՐԵՎՇԱՏՅԱՆ
Հետաքրքիր ու համարձակ միտք եք արտահայտում պարոն Եգանյան, մի խոսքով, քանի Ձեր նման խելացի մարդ կա Բալասանյանի կողքին ինքը կմնա քաղաքապետի պաշտոնում
փաստորեն ըստ Արմենուհու զոհրապը սերժ սարգսյանն է, որ կարող է նշանակeլ ու ազատել բալասանյանին պաշտոնից, , դաաաա, շատ հետաքրքիր է,կարծում եմ արմենուհին նրբորեն բացահայտեց բալասանյանի կերպարը
այ ախճի,հերիք չէ……մի քիչ ամոթ ունեցի….
Ցեղասպանության մեջ մեղավոր էին դաշնակներն ու այդ ժամանակի բոլոր կուսակցությունները, ովքեր միամտաբար հավատացին երիտթուրքերին ու գնացին գործարքի: 15թ ին ժողովուրդն արդեն իսկ առանց ղեկավարիէր, նույնիսկ Եկեղեցին չկարողացավ ինքնակազմակերպել ժողովրդին: Դասեր է պետք քաղել, այլ ոչ թե վիճել, թե ով ինչ արեց