Լրահոս
Օրվա լրահոսը

«ԲՀԿ-ն սպասում է, ակնկալիքներ ունեն». ՀԱԿ անդամ

Ապրիլ 24,2014 22:27
vahagn khachatryan

ՀԱԿ անդամ Վահագն Խաչատրյանը ՀՀ 2-րդ նախագահ Ռոբերտ Քոչարյանի վերադարձը չի տեսնում:

Նա այն կարծիքին չէ, քաղաքաշինության նախարար Նարեկ Սարգսյանի, կառավարության աշխատակազմի ղեկավար Դավիթ Հարությունյանի ու մյուս պաշտոնյաների նշանակումները անուղղակիորեն հաստատում են Ռոբերտ Քոչարյանի իշխանությունը:

«Լուրջ չեմ վերաբերում նոր կառավարությանը, նրա գործունեությանը, որովհետեւ անձերը նշանակություն չունեն, քանի կա այս համակարգը, կարեւոր չէ` ով է, ում կադրերն ուզում է լինի, նույն քաղաքականությունն է տարվելու: Քանի Հայաստանում կա Սերժ Սարգսյան, ու իր տրամաբանությամբ կազմված իշխանությունը»,- ասաց պարոն Խաչատրյանը:
Դիտարկմանը, թե ՀԱԿ-ի պայքարի տրամաբանությունը բացի Սերժ Սարգսյանից թեկուզ Ռոբերտ Քոչարյանը լինի սկզբունքո՞վ է, պարոն Խաչատրյանն ասաց. «Չէ, ամբողջ համակարգը, որտեղ չկան մենաշնորհներ, դատական, քաղաքական այս համակարգը: Մեր հարցերի հարցը մնում է քաղաքական այս համակարգը»:

Հարցին, թե ՀԱԿ-ը պայքարի ճիշտ ուղիով է գնում, մեր զրուցակիցն ասաց՝ «միանշանակ»:
Թե ինչպես է համակարգային փոփոխություններ պահանջող ՀԱԿ-ը դաշնակցում ԲՀԿ-ի հետ, որի օրակարգում չկան համակարգային փոփոխությունները, պարոն Խաչատրյանն ասաց. «Հա ինչ է եղել: Ընդունում եմ՝ մենք չգնացինք վարչապետի հետ հանդիպման, իրենք գնացին: Մեր մոտեցումներ կտրուկ են: Մոտեցումների տարբերություն է: Պարզապես մենք համոզված ենք, որ ոչինչ չի փոխվելու, իսկ իրենք սպասում են, ակնկալիքներ ունեն»:
Արփինե ՍԻՄՈՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Ամենաընթերցված

Օրացույց
Ապրիլ 2014
Երկ Երե Չոր Հնգ Ուրբ Շաբ Կիր
« Մար   Մայիս »
 123456
78910111213
14151617181920
21222324252627
282930