Կոմկուսի կենտկոմի քարտուղար Տաճատ Սարգսյանը նեղսրտել է, որ մայիսի 1-ը՝ աշխատավորների օրը, Հայաստանում խուսափում են նշել՝ այն համարելով խորհրդային տոն:
Նույն կուսակցության ներկայացուցիչ Անդրանիկ Նիկողոսյանի համար էլ աբսուրդ է, որ պետականորեն ընդունված տոնը չեն նշում:
«Այն համաշխարհային համաժողովրդական տոն է, պետք է մեծ խանդավառությամբ նշեին, հատկապես, որ մեր ժողովուրդը սոցիալական այս ծանր պայմաններում դրա կարիքն ավելի շատ ունի»,- այսօր «Հենարան» ակումբում ասաց պարոն Նիկողոսյանը:
Պարոն Սարգսյանն էլ նկատեց, որ վերջին տարիներին աշխատավորները ինչպես հարկն է չեն գնահատվում գործատուների կողմից, իսկ գործազուրկների բանակն էլ գնալով մեծանում է. « Հանրապետությունում չի դադարում աճել արտագաղթը, վերջին երեք տարիներին 200.000 մարդ է գնացել Հայաստանից, այս տարվա նախորդ ամիսների տվյալներով էլ նախորդ տարվա նույն ժամանակահատվածի համեմատ աճել է գործազրկության ցուցանիշը: Գործազրկությունը համատարած է՝ հիսուն տոկոս են կազմում: Հայաստանից դուրս է բերվել վեց միլիարդ դոլար, կոռուպցիայի պատճառով պետբյուջե չի մնում… մեր նպատակը չէ քննադատել քննադատության համար, իշխանություններին ծնկի բերելու համար, այլ քննադատում ենք՝ հուշելու ինչպիսի վիճակ է»:
Կարդացեք նաև
Կոմկուսը վաղը աշխատավորների տոնը մեծ շուքով է տոնելու.«Շքերթի մասնակիցները կանցնեն Մաշտոցի պողոտայով, Ռուսաստանի դեսպանատան մոտով ու մեր հավատարմությունը կհայտնենք մեր հանրապետության, Ռուսաստանի, Բելառուսի ու Ղազախստանի՝ Մաքսային միություն կազմելու, այնուհետեւ տնտեսական համագործակցության համակարգում ընդգրկվելու համար»:
Արփինե ՍԻՄՈՆՅԱՆ
