Լրահոս
Օրվա լրահոսը

ԱՄՆ-ը ձայնագրել է Մոսկվայի զանգերը Ուկրաինայի իր լրտեսներին. Daily Beast

Մայիս 01,2014 22:15

ԱՄՆ պետքարտուղար Ջոն Քերին փակ հանդիպման ժամանակ Ուկրաինայում ստեղծված իրավիճակի համար մեղադրել է Եվրոպային, գրում է «Դեյլի Բիսթ»-ը:

«Ոմանք Եվրոպայում սխալներ են գործել: Ասոցացման համաձայնագիրը դարձավ Արևելքի և Արևմուտքի առճակատման պատճառ: Դա չպետք է տեղի ունենար», – ասել է նա ապրիլի 25-ին եռակողմ հանձնաժողովի հետ հանդիպման ժամանակ Վաշինգտոնում:

Պարբերականի պնդմամբ, Քերին ասել է, որ Ամերիկայի հետախուզության ծառայությունը ձայնագրել է ռուս պաշտոնյաների խոսակցությունները, որոնք ապացուցում են, թե Ուկրաինայի Արևմուտքում Ռուսաստանը գործակալներ ունի, սակայն կոնկրետ անուններ չի նշել:

Ըստ լրատվականի, Քերին խոսել է նաև Չինաստանի դիրքորոշման մասին՝ նշելով, որ Պեկինին դուր չի գալիս Ուկրաինայի նկատմամբ Պուտինի քայլերը.
«Չինացիները շատ նյարդայնացած են Ռուսաստանի գործողություններից: Մենք խոսել ենք Չինաստանի հետ դրա մասին: Ակնհայտ պատճառներ կան, թե ինչու է Չինաստանն անհանգստացած», – ասել է պետքարտուղարը Հյուսիսային Ամերիկայի, Ճապոնիայի և Արևմտյան Եվրոպայի երկրների ղեկավար պաշտոնյաների հետ դռնփակ հանդիպմանը:

«Փոլիթիքո» հանդեսի փոխանցմամբ, Քերիի խոսակցությունը գաղտնի ձայնագրել է «Դեյլի Բիսթ»-ի թղթակից Ջոշ Ռոջինսը:

Պատրաստեց Հովհաննես ԻՇԽԱՆՅԱՆԸ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մայիս 2014
Երկ Երե Չոր Հնգ Ուրբ Շաբ Կիր
« Ապր   Հուն »
 1234
567891011
12131415161718
19202122232425
262728293031