Թուրքիայի ոստիկանության ուժերը հինգշաբթի օրը արցունքաբեր գազ, ջրցան մեքենաներ և ռետինե գնդակներ են կիրառել՝ փորձելով դադարեցնել հազարավոր ցուցարարների երթը, որոնք, չնայած մայիսի 1-ին ցույցեր անցկացնելու արգելքին, դուրս են եկել քաղաքի փողոցներ՝ հասնելով Ստամբուլի կենտրոնական Թաքսիմ հրապարակը:
Վկայակոչելով անվտանգության ապահովման հետ կապված մտավախությունները՝ Թուրքիայի իշխանությունները դադարեցրել են Ստամբուլի հասարակական տրանսպորտի համակարգի որոշ հատվածների աշխատանքը և փողոց են դուրս բերել ոստիկանության հատուկ ուժերի հազարավոր ծառայողներ՝ արգելափակելով մուտքը դեպի Թաքսիմ հրապարակ, որտեղ սովորաբար հավաքներ են անցկացնում արհմիությունները, և որտեղ անցյալ ամառ անցկացվել են մի քանի շաբաթ տևած բողոքի ցույցերը:
Ստամբուլի քաղաքապետարանի համաձայն, անվտանգության խիստ միջոցներն ընդունվել են այն պատճառով, որ ստացվել էր տեղեկություններ, որոնց համաձայն «ահաբեկչական կազմակերպությունները և դրանց մասնաճյուղերը» ծրագրում են բռնություններ իրականացնել քաղաքում՝ խռովություններ հրահրելու նպատակով:
Նյութն ամբողջությամբ՝ սկզբնաղբյուր կայքում
