Օդեսայում բախումների ժամանակ մահացածների առաջին ցուցակն է կազմվել, որի մեջ ընդգրկված են 14 անուններ:
Այդ անունների մեջ հայկական ազգանուն չկա: «Դումսկայա» լրատվականի փոխանցմամբ նրանք բոլորը Օդեսայի բնակիչներ են: Նրանցից 5-ը մահացել են հրազենային վնասվածքից, 4-ը՝ արհմիությունների շենքից ընկնելով, 4-ը՝ այդ շենքի հրդեհից՝ այրվելով կամ ծխից խեղդվելով, 1-ն էլ Օդեսայի քաղաքային խորհրդի պատգամավոր Վյաչեսլավ Մարկինն է, որը վիրավորվել էր բախման ժամանակ: Ցուցակը կազմել են Օդեսայի բնակիչները:
Ուկրաինայի ներքին գործերի նախարարությունն ու անվտանգության ծառայությունը հրաժարվում են հրապարակել մահացածների անունները՝ հիմնվելով հետաքննության գաղտնիության վրա:
Օդեսայում մայիսի 2-ին զանգվածային անկարգությունների ժամանակ պաշտոնական վերջին տվյալներով 46 մարդ է զոհվել:
Կարդացեք նաև
Պատրաստեց Հովհաննես ԻՇԽԱՆՅԱՆԸ