«Ինչպիսի բարի առաջնորդ ունենք, որը միջամտում է, որ լրագրողին հետ վերցնեն աշխատանքի»,- վարչապետ Հովիկ Աբրահամյանի հայտարարությունը իրեն «Հավիկ» ներկայացրած «Արմենիա» հեռուստաընկերության աշխատակիցներին աշխատանքից ազատելու որոշման վերաբերյալ այսկերպ մեկնաբանեց Ժուռնալիստների «Ասպարեզ» ակումբի խորհրդի նախագահ Լեւոն Բարսեղյանը: Նա նկատեց, որ վարչապետը, օգտվելով պահից, PR քայլ է արել:
Պարոն Բարսեղյանի կարծիքով, հեռուստաընկերության ղեկավարները ավելի էմոցիոնալ են, որ միանգամից որոշեցին հեռացնել աշխատանքից վրիպակ թույլ տվածներին. «Որոշել էին հավատարմություն ցույց տալ Հովիկ Աբրահամյանին, թե մենք մեր բարձրության վրա ենք, ու պատժվում են նրանք, որոնք նման բան են անում»:
Բայց Լեւոն Բարսեղյանը չի կարծում, որ վրիպակի շուրջ ստեղծված աղմուկից կմնա միայն վարչապետի նոր մականունը, վստահ է, որ երկրորդը առաջինի հետ մրցունակ հաստատ չի լինի. «Նրան որեւէ կերպ հավ կամ հավիկ չես կարող անվանել, ահագին խորամանկ ու հնարամիտ անձնավորություն է, բայց կարծում եմ՝ առաջին մականունից էլ ինքը դժգոհ չէր, առաջինով կգոհանա»:
Վրիպակի պատճառով աշխատանքից ազատելն էլ ճիշտ քայլ չէ, կարծում է՝ առաջին հերթին ղեկավարները պետք է պարզեին՝ պատահականությո՞ւն էր, թե՞ դիտավորություն, եթե վրիպակ է, ապա միայն նախազգուշացումն էլ բավական է: Իսկ պարոն Բարսեղյանն այս դեպքում վստահ է՝ վրիպակ էր:
Արփինե ՍԻՄՈՆՅԱՆ
Կարդացեք նաև
Պ. Լևոն, բա ուր է Ձեր հանրահայտ շլյապան? Դուք շլյապայով ավելի մրցունակ էիք, քան հիմա: Ազնիվ խոսք!