Կայացվել է որոշում «Օրինաց երկիր» կուսակցության «Քաղաքական դպրոց» հիմնելու եւ«Օրինաց երկիր» պաշտոնաթերթի հրատարակումը վերսկսելու մասին

Այսօր տեղի է ունեցել «Օրինաց երկիր» կուսակցության  քաղաքական խորհրդի  ընդլայնված նիստը, որը վարել է կուսակցության նախագահ Արթուր Բաղդասարյանը:

Քաղխորհրդի նիստում քննարկվել են Հայաստանի ներքին և արտաքին քաղաքական օրակարգին առնչվող, ինչպես նաև  կուսակցության  կազմակերպական  հարցեր:

Քաղաքական խորհուրդը, ընդգծելով ներկա փուլում կուսակցության  կազմակերպական և գաղափարաքարոզչական աշխատանքներն ակտիվացնելու, կուսակցության քաղաքական ակտիվի շարունակական վերապատրաստման, գիտելիքների և ունակությունների մակարդակի բարձրացման, կուսակցական  կազմակերպությունների գործունեությունը կատարելագործելու  անհրաժեշտությունը, որոշում  է  կայացրել «Օրինաց  երկիր» կուսակցության  «Քաղաքական դպրոց» հիմնելու մասին` կուսակցության գիտա-դասախոսական  ներուժի և քաղաքական փորձառություն ունեցող գործիչների կարողությունների  ներգրավմամբ:

Քաղաքական խորհուրդը քննարկել և հավանության է արժանացրել նաև  կուսակցության կազմակերպական և գաղափարաքարոզչական գործունեության  մասին ծրագիրը, ինչը հնարավորություն կընձեռի առաջիկայում ՕԵԿ քաղաքական  օրակարգին համապատասխան, ըստ հստակ նախանշված ուղղությունների, վարել  առավել նպատակաուղղված և թիրախավորված քաղաքականություն:

Որոշում է կայացվել նաև «Օրինաց  երկիր» պաշտոնաթերթի հրատարակումը  վերսկսելու  մասին:

Քաղաքական խորհուրդը որոշել է ս.թ. մայիսի 19-ին գումարել «Օրինաց  երկիր» կուսակցության հանրապետական վարչության նիստ:

ՕԵԿ մամուլի հաղորդագրություն