Նախօրեին Ազգային ժողովում Նիկոլ Փաշինյանի հետ հարցուպատասխանի ընթացքում, երբ պատգամավորը հարցրել է Հովիկ Աբրահամյանի ու մի քանի նախարարների ունեցվածքի, բիզնեսի և պաշտոնի համատեղման մասին, Աբրահամյանը հայտարարել է, թե գործարարներն են այս երկիրը պահում ու պետք չէ գործարարներին «բոբո» ներկայացնել:
Նա առաջին անգամ չէ, որ վարչապետ նշանակվելուց հետո խոսում է այս մասին: Այս մասին միայն նա չէ, որ խոսում է: Գործարարներին «բոբո» չսարքելու փաստարկը բիզնեսի և իշխանության սերտաճման բոլոր «օրինակների»՝ պատգամավորների, նախարարների, ամբողջական իշխանության, իշխանական ու ոչ իշխանական համակարգի փաստարկն է, թե գործարարներն են երկիրը պահում ու պետք է փայփայել նրանց:
Այն, որ պետք է գործարարներին փայփայել, նրանց համար ստեղծել գրավիչ պայմաններ, ներդրումներ ապահովել, որ ստեղծվեն աշխատատեղեր, վճարվեն հարկեր, կատարվեն պետական ծախսերն ու սոցիալական ծրագրերը` անվիճելի է: Որևէ բանական մեկը չի կարող վիճարկել այդ պարագան: Բայց ի՞նչ կապ ունի գործարարների հանդեպ հանրային ու պետական վերաբերմունքի խնդիրը հակասահմանադրական գործողությունների հետ, որով զբաղված է Հայաստանի իշխանական համակարգը, որով զբաղված են Հայաստանում իշխանական և ոչ իշխանական գործիչների ճնշող մեծամասնությունը` համատեղելով բիզնեսն ու պետական պաշտոնները, համատեղելով բիզնեսն ու մանդատները:
Հոդվածն ամբողջությամբ կարող եք կարդալ «Ժամանակ» թերթի այսօրվա համարում
Կարդացեք նաև
