Կիևի ցույցերի ժամանակ զոհված Սերգեյ Նիգոյանի հայրը՝ Գագիկ Նիգոյանը, մայիսի 23-ին մայրաքաղաքի անկախության հրապարակում՝ Մայդանում, հանդիպել է լրագրողների հետ: Դնեպրոպետրովսկից Կիև մեկնելու նրա նպատակը որդու զոհված վայրն այցելելն էր, հայտնում է «Նովի Ռեգիոն 2» լրատվականը՝ նշելով, որ Գագիկ Նիգոյանն իր ժամանման մասին ոչ մի լրատվամիջոցի չի տեղեկացրել, սակայն «Եվրոմայդան»-ի ակտիվիստները տեղեկացրել էին նրա այցի մասին:
Սերգեյի հորը հետ շփվելու համար հրապարակում հավաքվել էին մի քանի տասնյակ մարդիկ, որոնք սեղմում էին նրա ձեռքը և շնորհակալական խոսքեր ասում:
Լրագրողներից մեկի հարցին, թե իզո՞ւր էր, որ Սերգեյը Կիև էր մեկնել, հայրը պատասխանել է. «Նա ինքնուրույն է եկել, դա նրա որոշումն էր»:
Կարդացեք նաև
Սերգեյ Նիգոյանը «Եվրոմայդան»-ի առաջին զոհն էր, նա մահացել է հունվարի 22-ին հրազենային վնասվածքից:
Պատրաստեց Հովհաննես ԻՇԽԱՆՅԱՆԸ
