Լրահոս
Օրվա լրահոսը

ԵԽԽՎ հանձնաժողովը Սաֆարովի արտահանձնումը դատապարտող բանաձևի նախագիծ է ընդունել

Մայիս 27,2014 20:26

ԵԽԽՎ իրավական հարցերի և մարդու իրավունքների հանձնաժողովը դատապարտել է Ռամիլ Սաֆարովի արտահանձնման դեպքում եվրոպական կոնվենցիայի 12-րդ հոդվածի կիրառումը` որակելով այն «միջազգային հարաբերություններում բարի կամքի սկզբունքի և օրենքի գերակայության խախտում»:

Բանաձևի նախագիծն ընդունվել է Մեծ Բրիտանիան Վեհաժողովում ներկայացնող պատվիրակ Քրիստոֆեր Չոփի զեկույցի հիման վրա:

Բանաձևի նախագիծը շեշտում է, որ Կոնվենցիան «չի նախատեսում բանտարկյալների՝ իրենց հայրենիք վերադարձնելու համար անհապաղ ազատ արձակումը»: Ասվում է, որ կարևոր է Կոնվենցիային դիմել այն ժամանակ, եթե բարի կամք դրսևորելիս չի խախտվի օրենքի գերակայությունը, մասնավորապես՝ արտահանձնման այն դեպքերում, եթե դա քաղաքական և դիվանագիտական բարդությունների չի հանգեցնի:

Նախագիծը Վեհաժողովի լիագումար նիստի քննարկմանը կներկայացվի այս տարվա ընթացքում:

2006թ. Հունգարիայում ՆԱՏՕ-ի դասընթացների ժամանակ Ռամիլ Սաֆարովը սպանել էր հայ սպա Գուրգեն Մարգարյանին: 2012թ. ցմահ ազատազրկման դատապարտված Սաֆարովին արտահանձնել են Ադրբեջան, որտեղ նրան ներում են շնորհել, բարձրացրել զինվորական կոչումը և բնակարան նվիրել:
Պատրաստեց Հովհաննես ԻՇԽԱՆՅԱՆԸ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (1)

Պատասխանել

  1. Hayk says:

    К чему такая “спешка”?((((((((((((((

Պատասխանել

Օրացույց
Մայիս 2014
Երկ Երե Չոր Հնգ Ուրբ Շաբ Կիր
« Ապր   Հուն »
 1234
567891011
12131415161718
19202122232425
262728293031