«Ովքեր խոսում են ազատամարտիկների անունից, բոլորը չեն, որ դրա իրավունքն ունեն»,-այսօր Հանրապետության հրապարակում Մայիսի 28-ի կապակցությամբ հրավիրված մամուլի ասուլիսին այսպիսի հայտարարությամբ հանդես եկավ Նախախորհրդարանի քարտուղարության համակարգող Ժիրայր Սէֆիլյանը:
Նա հավաստիացրեց, որ Արցախյան ազատամարտում մեծ դերակատարություն ունեցող անձանցից շատերի անուններն այսօր հայտնի չեն հանրությանը:
Պարոն Սէֆիլյանը վստահեցրեց. «Կգա ժամանակը և մեր շարժմանը կհաջողի բոլորին համախմբել և մեր առջև դրված նպատակն իրագործել»:
Aravot.am-ի հարցին՝ արդյոք ընդունելի՞ է երկրի ղեկավար Սերժ Սարգսյանի «նվնվալ» արտահայտությունը՝ ուղղված ազատամարտիկներին, պարոն Սէֆիլյանը նախ մեզ նկատողություն արեց, հետո պատասխանեց. «Դուք Սերժ Սարգսյանին կոչեցիք երկրի ղեկավար: Մենք համաձայն չենք այդ կարծիքին, նա ընդամենը բանդայի ղեկավար է, որը զավթել է մեր երկրի, ժողովրդի իշխանությունը, ծառայում է օտարին և պատահական չէ, որ մեր պայքարի անունը նաև կոչել ենք ազգային ազատագրական պայքար: Ամեն ինչ իր սկիզբն ու իր վերջն ունի: Կգա ժամանակը, երբ ոչ միայն Սերժ Սարգսյանի, այլև նրա ամբողջ բանդայի պատասխան տալուն չկասկածեք»:
Կարդացեք նաև
Տաթև ՀԱՐՈՒԹՅՈՒՆՅԱՆ
Այո’, տեռորիստական բանդայի…
Խոսքս թլպատում են Անահիտ,
Ես համամիտ եմ, համամիտ…