Եվրասիական տնտեսական միության ստեղծման հետ կապված Եվրոմիության ընդլայնման հարցերով հանձնակատար Շտեֆան Ֆյուլեն հայտնել է, որ կողմ է, որպեսզի Վրաստանը, Ուկրաինան և Մոլդովան երկարաժամկետ հեռանկարով ընդունվեն Եվրոմիություն:
Գերմանական «Դի Վելթ» պարբերականին մայիսի 30-ին տված հարցազրույցում, Ֆյուլեն ասել է, որ եվրոինտեգրման հեռանկարը լավագույն դրդապատճառն է, որ Արևելյան Եվրոպայում բարեփոխումներ կատարվի:
Չեխ դիվանագետը նշել է, որ Ուկրաինայի հետ Ասոցացման պայմանագրի ստորագրումը երկկողմ համագործակցության վերջնական նպատակը չէ:
Ավելի վաղ Ֆյուլեն հայտնել էր, որ ԵՄ-ը պատրաստ է հունիսի 27-ին միության երկրների ղեկավարների և կառավարությունների գագաթնաժողովին Ուկրաինայի հետ ստորագրել Ասոցացման պայմանագրի տնտեսական մասը:
Մայիսի 29-ին Ռուսաստանի, Բելառուսի և Ղազախստանի նախագահները Աստանայում ստորագրել են Եվրասիական տնտեսական միության ստեղծման մասին պայմանագիրը:
Կարդացեք նաև
Պատրաստեց Հովհաննես ԻՇԽԱՆՅԱՆԸ
