Լրահոս
Օրվա լրահոսը

Կանգառների ցուցանակներին՝ մազեր գնելու, վարձով տան հայտարարություններ

Մայիս 31,2014 14:30

Երբ առաջին անգամ երեւանյան կանգառներում հայտնվեցին ցուցանակները, որոնք հուշում են, թե այդ փողոցով որ երթուղայիններն են անցնում, քաղաքացիների գործը ավելի հեշտացավ: Մարդիկ այլեւս ստիպված չէին կանգառում հարցուփորձ անել՝ իմանալու, թե իրենց ուզած երթուղայինն այդ վայրով անցնո՞ւմ է, թե՞ ոչ: Կանգառներում ցուցանակները ոչ միայն երեւանցիների լուռ օգնականներն էին, այլ նաեւ օտարերկրյա զբոսաշրջիկների եւ հանրապետության այլ մարզերից այցելած քաղաքացիների: Քաղաքակիրթ երկրներից ժամանած զբոսաշրջիկը, որը սովոր չէ մարդկանց նեղություն տալ, եւ քարտեզը ձեռքին փորձում է ինքնուրույն գլուխ հանել եւ տեղաշարժվել, ցուցանակների ի հայտ գալուց հետո առանց խնդիրների գտնում էր իր ուզած հասցեն: Սակայն ներկայումս կանգառների ոչ բոլոր ցուցանակներն են իրենց այդ գործառույթն ապահովում. նրանցից շատերի վրա ոչ միայն տրանսպորտի համարներն են ջնջված, թերի նշված, այլեւ ցուցանակի ողջ ստենդը բացակայում է:

cucanak-5 cucanak-4 cucanak-3 cucanak-2 cucanak-6
Այդպիսի ցուցանակների կարելի է հանդիպել ամենուր՝ թե՛ քաղաքի ծայրամասերում, թե՛ կենտրոնական փողոցներում:

«Առավոտը» շրջայցի միջոցով պարզեց, որ օրինակ՝ Մաշտոցի պողոտայում, Ամիրյան, Խանջյան, Ագաթանգեղոս, Արշակունյաց, Գարեգին Նժդեհ եւ այլ փողոցների, ինչպես նաեւ քաղաքի մի շարք ծայրամասային, բայց մարդաշատ փողոցներում այդ ցուցանակներից, կարելի է ասել, մնացել են միայն երկաթյա ձողերը. տրանսպորտի մասին հուշող թվերի փոխարեն մարդիկ կարդում են՝ «կգնեմ մազեր, վաճառվում է բնակարան, ինտերնետը այլասերում է, ավտոբուսներով ու մատչելի գներով՝ Երեւան-Կրասնոդար» եւ նույնիսկ պարսկերեն լեզվով հայտարարություններ:

Այս առնչությամբ Երեւանի քաղաքապետարանից «Առավոտին» պարզաբանեցին, որ ցուցանակների վրա հայտարարություն փակցնելը օրենքի խախտում է, եւ որ քաղաքապետարանը մայրաքաղաքի մի շարք վայրերում հայտարարությունների համար նախատեսված ցուցանակներ է տեղադրել: Ինչ վերաբերում է երթուղայինների համարների բացակայությանը, ապա քաղաքապետարանից ասացին, որ հետեւողական կլինեն եւ կլրացնեն դրանք:

ԱՄԻ ՉԻՉԱԿՅԱՆ

Լուսանկարները՝ հեղինակի

«Առավոտ» օրաթերթ
30.05.2014

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մայիս 2014
Երկ Երե Չոր Հնգ Ուրբ Շաբ Կիր
« Ապր   Հուն »
 1234
567891011
12131415161718
19202122232425
262728293031