Լրահոս
Օրվա լրահոսը

Մանկատան երեխաները Օմբուդսմենին խնդրել են իրենց վիրավորանքը փոխանցել լրատվամիջոցներին

Մայիս 31,2014 16:16

Երեխաների պաշտպանության միջազգային օրվա նախօրեին Օմբուդսմեն Կարեն Անդրեասյանն այցելել է մանկատների շրջանավարտներին, որոնք հանգրվանել են «Մեր տուն» հասարակական կազմակերպությունում:

2005 թվականից այս կազմակերպությունը իր խնամքն է տրամադրում մանկատան շրջանավարտ այն աղջիկներին, որոնք չունեն բնակվելու վայր և պետք է շարունակեն ուսումը:

Օմբուդսմենի հետ զրույցի ընթացքում մանկատան շրջանավարտ աղջիկները նշեցին, որ իրենց հուզող ամենակարևոր հարցերից մեկը մանկատան սաների պիտակավորումն է, որը հաճախ տեղի է ունենում հեռուստատեսությամբ կամ լրատվության այլ միջոցներով: Մասնավորապես, մանկատան շրջանավարտները խորապես վիրավորվում են, երբ հեռուստահաղորդումները ներկայացնում են, թե իբր իրենք մանկատնից դուրս գալուց հետո բացասական վարքագիծ են դրսևորում, իսկ ֆիլմերում իրենց խոցելի և ճնշված կերպարներով են պատկերում: Աղջիկներին մտահոգել էր նաև այն, որ հաճախ կարծրատիպ է ձևավորվում, թե մանկատան երեխաները նախընտրում են մնալ մանկատանը, այլ ոչ թե որդեգրվել:
Անսալով մանկատան շրջանավարտների խնդրանքին, միևնույն ժամանակ հարգելով բոլոր լրատվամիջոցների խմբագրական անկախությունն ու արտահայտվելու ազատությունը՝ Օմբուդսմենը հորդորում է բոլորին զերծ մնալ մանկատան և այլ խոցելի իրավիճակներում հայտնված երեխաների մասին անթույլատրելի ու վիրավորական կարծրատիպեր ձևավորելուց: Միևնույն ժամանակ, ծանր պայմաններում հայտնված երեխաների խնդիրների մասին օբյեկտիվ և ճշմարտացի լուսաբանումը չափազանց օգտակար է նրանց իրավունքների պաշտպանության համար:
Կարեն Անդրեասյանը շնորհավորում է երեխաների պաշպանության միջազգային օրը և հիշեցնում. «Հունիսի 1-ը ոչ միայն սեփական երեխաներին զբոսայգի տանելու օրն է, այլև խոցելի երեխաների մասին խորհելու ժամանակը»:

Պաշտպանի աշխատակազմ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մայիս 2014
Երկ Երե Չոր Հնգ Ուրբ Շաբ Կիր
« Ապր   Հուն »
 1234
567891011
12131415161718
19202122232425
262728293031