Լրահոս
Օրվա լրահոսը

Արտեմ Ասատրյանը տեղյակ չէ, որ ուսուցիչներին պարտադրում են ազատման դիմումներ գրել

Մայիս 31,2014 16:41

«Նման տեղեկատվություն ես չունեմ»,- խորհրդարանում, լրագրողների հետ ճեպազրույցում ասաց Աշխատանքի և սոցիալական հարցերի նախարար Արտեմ Ասատրյանը: Լրագրողները հետաքրքրվեցին` ինչ քայլեր է պատրաստվում ձեռնարկել նախարարը, քանի որ ահազանգեր կան, թե դպրոցներում, այն ուսուցիչներն, ովքեր «կուտակայինի» հետ կապված դիմումներ են գրում, պարտադրում են նաև աշխատանքից ազատման դիմում գրել: Նախարարը պնդեց, որ նման ահազանգի ծանոթ չէ, բայց եթե իրեն կոնկրետ դեպք ներկայացվի, ապա նա դա կուսումնասիրի:

Հարցին` իսկ նախարարությունում կա՞ն աշխատակիցներ, որոնք հրաժարվում են «կուտակայինից» ու դիմում են ներկայացրել, Արտեմ Ասատրյանը նշեց. «Ես նման տեղեկատվություն չունեմ, որ այդպիսի ցանկություն ունեցողներ կան: Եթե չեն դիմել, ես ենթադրում եմ, որ բոլորը ցանկանում են կամավոր ինտեգրվել այդ համակարգին»: Ի դեպ, նախարարության աշխատակիցների բավականին բարձր տոկոսն է, որ չի հրաժարվել «կուտակայինից»: Դա նախարարը բացատրում է նրանով, որ սոցիալական ոլորտում աշխատող անձինք ավելի տեղյակ են բարեփոխումներին և այդ պատճառով էլ նման որոշում են կայացրել:

Նելլի ԳՐԻԳՈՐՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մայիս 2014
Երկ Երե Չոր Հնգ Ուրբ Շաբ Կիր
« Ապր   Հուն »
 1234
567891011
12131415161718
19202122232425
262728293031