Այսօր Մոսկվայի քաղաքապետարանի մոտ ԼԳԲՏ (լեսբուհի, գեյ, բիսեքսուալ, տրանսգենդեր) ակտիվիստների ցույց էր նախատեսված, սակայն, ինչպես գրում է բլոգեր «Զյալտ»-ը (Իլյա Վարլամով), գրեթե մարդ չէր եկել:
«Սկզբում երեք ակտիվիստ մեքենայով անցան Տվերսկոյ փողոցով՝ ԼԳԲՏ դրոշը պարզած, իսկ մեքենայից հնչում էր Եվրատեսիլում հաղթած մորուքավոր Կոնչիտայի երգը, – գրում է բլոգերը, – հետո ինչ-որ կին երկար հարցազրույց էր տալիս լրագրողներին: Այնուհետեւ ԼԳԲՏ ակտիվիստներ Ելենա Կոստյուչենկոն և Աննա Աննենկովան բացեցին դրոշը, որի վրա գրված էր «Ամուսնություն, երեխաներ, անվտանգություն»»:
Բլոգերը նշում է, որ եկել էին նաև «ուղղափառ ակտիվիստներ», որպեսզի ձու նետեն գեյերի վրա, սակայն «իրենց զոհերին այդպես էլ չգտան»:
«Հավանաբար գեյերի թեման այլևս ոչ ոքի չի հետաքրքրում: Ասացեք խնդրեմ, իսկ ու՞ր են հայրենական գեյերը, – հեգնում է «Զյալտը, – դեռ մեկ տարի առաջ այս թեման ամենաքննարկվողն էր… Ամեն օր ինչ-որ մեկը փորձում էր գեյ շքերթ անցկացնել, մյուսները փորձում էին ցրել այդ շքերթները: Մարդիկ փողոցում ծեծում էին իրար: Հիմա թեման տեղափոխվել է 5-րդ շարասյանն ու դավաճաններ փնտրելուն (նկատի ունի Ուկրաինայի դեպքերի հետ կապված ռուսների իրար հասցվող մեղադրանքները -խմբ.)»:
Կարդացեք նաև
Հիշեցնենք, որ 2013թ. Ռուսաստանում օրենք ընդունվեց, որի համաձայն արգելվում է անչափահասների շրջանում ոչ ավանդական սեռական կողմնորոշման քարոզչությունը:
Պատրաստեց Հովհաննես ԻՇԽԱՆՅԱՆԸ
2014 թվի ապրիլին Ռուսաստանի Կոստրոմայի օբլաստի բարձրագույն դատարանը որոշել է,որ Ռուսաստանի ԼԳԲՏ անդամները իրավունք ունեն բողոքի ցույցեր անել՝ 2013 թվին ընդունված այդ «անտի գեյ-պրոպագանդա» անվանված օրենքի դեմ: Բացի այդ՝ վերը նշված դատարանի 6 դատավորներն էլ (համաձայնվելով դատի կողմ գեյ-ակտիվիստ Նիկոլայ Ալեքսեյեվի հետ) որոշեցին,որ վերը նշված 2013թ.-ի այս օրենքը սահմանափակում է ազատ արտահայտվելու իրավունքը և ԼԳՏԲ անդամ քաղաքացիներն էլ իրավունք ունեն պաշտպանության և դիսկրիմինացիայի չենթարկվելու: ԿԱՐԵՎՈՐ ու արդար որոշում. ու կարևոր հաղթանակ Ռուսաստանի սեռական փոքրամասնությունների անդամների համար: Այնպես որ՝ 2013թ-ի այս «Անչափահասների շրջանում ոչ ավանդական սեռական կողմնորոշման քարոզչությունն արգելող» կոնտրովերսիալ օրենքի կյանքը երկար չի լինելու: