«Սունդուկյան 90 հասցեի բազմաբնակարան շենքի տարածքում ոչ միայն ծառ, այլ անգամ ծառի ճյուղ չի հատվել». քաղաքապետարան

«Սունդուկյան 90 հասցեի բազմաբնակարան շենքի տարածքում ոչ միայն ծառ, այլ անգամ ծառի ճյուղ չի հատվել». քաղաքապետարան

Մայրաքաղաքի Արաբկիր վարչական շրջանի Սունդուկյան 90 հասցեում, նախապես հաստատված նախագծով և վարչական շրջանի աշխատակազմի անմիջական հսկողության ներքո, ընդհանուր օգտագործման տարածքի բարեկարգման աշխատանքների իրականացման վերաբերյալ որոշ լրատվամիջոցներ և «սրտացավ» ներկայացող մի քանի անհատներ ստահոդ լուրեր են տարածում սոցիալական կայքերում՝ հաստատուն պնդելով, որ վերոնշյալ տարածքում իրականացվել է ծառահատում:

Երևանի քաղաքապետարանը պաշտոնապես հայտարարում է, որ տվյալ տարածքում ոչ միայն ծառ, այլ անգամ ծառի ճյուղ չի հատվել ու չի հատվելու: Ինչ վերաբերում է որոշ անձանց կողմից շրջանառության մեջ դրված այն շահարկումներին, թե տարածքը կարող է օգտագործվել այլ նպատակներով, ևս գնահատում ենք բացահայտ ապատեղեկատվություն, հատկապես հաշվի առնելով, որ դեռևս նախորդ տարվանից Սունդուկյան 90 հասցեի բազմաբնակարան շենքի պատին փակցված է եղել տարածքի բարեկարգման նախագծի էսքիզային տարբերակը և շենքի բնակիչները նախապես տեղեկացված են եղել տարածքում պուրակի ստեղծման նախատեսվող աշխատանքների մասին: Sundukyan purakԱվելորդ չենք համարում նաև նշել, որ տվյալ տարածքում բարեկարգ պուրակ ունենալու առաջարկը եղել է հենց բնակիչների կողմից, ինչը և հիմք է հանդիսացել այն ներառելու Երևան քաղաքի զարգացման ծրագրերում:

Վերոնշյալը հաշվի առնելով, հորդորում ենք բոլորին զերծ մնալ ապատեղեկատվություն տարածելուց և ստահոդ պնդումները որպես անհերքելի ճշմարտություն ներկայացնելու գայթակղությունից:

Բոլոր նրանց, ում իսկապես հետաքրքրում է տարածքի բարեկարգման ծրագիրն ու դրա ընթացքը, առաջարկում ենք հենց տեղում ծանոթանալ ու հետևել իրականացվող աշխատանքներին:

Երևանի քաղաքապետարան

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

 
Առցանց Առավոտի լուրերին facebook-ով բաժանորդագրվելու համար սեղմեք