Լրահոս
Օրվա լրահոսը

Հայերից մրցանակ ստանալու համար ադրբեջանցի երգչուհին և haqqin.az-ը դատարան կգնան

Հունիս 09,2014 22:11

Ադրբեջանցի երգչուհի Բրիլիանտ Դադաշևան որոշել է «Հաքքին.ազ» լրատվականին դատի տալ այն բանի համար, որ նրան մեղադրել են «հայերի ձեռքից մրցանակ ստանալու մեջ»:

Բանն այն է, որ «Big Apples Music Award»-ը Դադաշևային մրցանակ է շնորհել ստեղծագործական աշխատանքում հաջողության հասնելու համար: «Հաքքին.ազ»-ի հետաքննության արդյունքում պարզվել է, որ այդ մրցանակաբաշխությունը պատկանում է ամերիկահայերին, և ծավալուն հոդված էր գրել՝ մեղադրելով երգչուհուն հայերից մրցանակ վերցնելու համար:

Դադաշևան Ֆեյսբուքի իր էջում գրել է, որ «Հաքքին.ազ»-ը դատարանի առջև պատասխան է տալու ԱՄՆ-ում իր հաջողությունը սևացնելու և իր մասին հերյուրանքներ տարածելու համար. «Փառք աստծո, մենք ապրում ենք իրավական պետությունում», – գրել է նա:

Լրատվականի խմբագիր Էյնուլա Ֆատուլաևան հայտնել է, որ ինքն ուրախ է երգչուհու այդ որոշման համար. «Մենք ուրախ ենք Բրիլիանտ Դադաշևայի այդ որոշման համար: Դա մեզ հնարավորություն կտա ևս մեկ դաս տալ երգչուհուն, որպեսզի նա այլևս երբեք մրցանակներ չստանա հայերի ձեռքից», – ասել է խմբագիրը:

 

Պատրաստեց Հովհաննես ԻՇԽԱՆՅԱՆԸ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունիս 2014
Երկ Երե Չոր Հնգ Ուրբ Շաբ Կիր
« Մայիս   Հուլ »
 1
2345678
9101112131415
16171819202122
23242526272829
30