Լրահոս
Օրվա լրահոսը

Դատարանը մերժել է պատգամավոր Սամվել Ալեքսանյանի դիմումը

Հունիս 13,2014 21:59

Այսօր Քանաքեռ Զեյթուն վարչական շրջանների ընդհանուր իրավասության դատարանում Նախախորհրդարանի անդամ Կարո Եղնուկյանն ընդդեմ ԱԺ պատգամավոր Սամվել Ալեքսանյանի գործով դատական նիստին ներկայացել է միայն «Ծածկած շուկա» ընկերության տնօրենի ներկայացուցիչը:

Հիշեցնենք, որ նախորդ տարվա  սեպտեմբերի 2-ին Սամվել Ալեքսանյանին պատկանող Ծածկած շուկայի կենտրոնական  մասում փակցվել էր պաստառ, Նախախորհրդարանի անդամ  Կարո Եղնուկյանի նկարով եւ  «Մասոն, Ոչ վարձու ընդդիմախոսներին, ոչ օտարերկրյա լրտեսներին, ոչ գրանտակերներին» գրություններով:

Իր պատիվն ու արժանապատվությունը, բարի համբավն արատավորելու համար պարոն Եղնուկյանը դիմել է դատարան:

Պարոն Եղնուկյանը Aravot.am-ին պատմեց, որ Սամվել Ալեքսանյանը գրավոր դիմում էր ուղարկել դատարան՝ խնդրելով իրեն ազատել դատական նիստի մասնակցությունից, քանի որ ինքը որեւէ կապ չունի «Ծածկած շուկայի» հետ, ինչը դատարանը այսօր մերժել է:

Դատական նիստը հետաձգել է մինչեւ սեպտեմբեր , քանի որ դատարան ներկայացած «Ծածկած շուկայի» տնօրենի ներկայացուցիչը չուներ ընկերությունը ներկայացնելու լիազորագիր:

 

Արփինե ՍԻՄՈՆՅԱՆ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունիս 2014
Երկ Երե Չոր Հնգ Ուրբ Շաբ Կիր
« Մայիս   Հուլ »
 1
2345678
9101112131415
16171819202122
23242526272829
30