Լրահոս
Օրվա լրահոսը

Շահագործման հանձնվեցին Սանահինի մեխանիզացված ուղեմասը և Երևանի Ուսուցման ճանապարհային կենտրոնը

Հունիս 18,2014 21:19

Հարավկովկասյան երկաթուղում վերազինումից հետո հունիսի 18-ին շահագործման հանձնվեց երկու արտադրական հանգույց՝ Սանահինի մեխանիզացված ուղեմասը և Երևանում գտնվող Ուսուցման ճանապարհային կենտրոնը, որտեղ ստեղծվել է նոր ուսումնատեխնիկական հրապարակ: Բացման հանդիսավոր արարողությանը մասնակցում էին ՀՀ տրանսպորտի և կապի նախարարի տեղակալ Արթուր Առաքելյանը, Ռուսական երկաթուղիներ ԲԲԸ նախագահ Վլադիմիր Յակունինը, Հայաստանում ՌԴ արտակարգ և լիազոր դեսպան Իվան Վոլինկինը, բարձրաստիճան այլ հյուրեր:

ՀՀ տրանսպորտի և կապի նախարարի տեղակալ Արթուր Առաքելյանը Տրանսպորտի և կապի նախարար Գագիկ Բեգլարյանի անունից շնորհավորեց հայ երկաթուղայիններին նման նշանակալի և կարևոր իրադարձության կապակցությամբ: «Հայաստանի երկաթուղային տրանսպորտի ենթակառուցվածքն այսօր համալրվում է նորագույն բաղադրիչներով, իսկ հայ երկաթուղայինների աշխատանքային պայմանների բարելավման մասին ավելորդ է ասել: Տրանսպորտի և կապի նախարարությունը երկաթուղային տրանսպորտային համակարգը չի ընկալում որպես պետության առանձին տրանսպորտային համակարգ և շահագրգռված է նրա արդյունավետ գործունեության ծավալմամբ»,-նշեց Առաքելյանը:

Վերակառուցման առաջին փուլի շրջանակներում կատարվել է Դեպոյի շենքի և արտադրամասերի վերանորոգում և վերականգնում։ Երկրորդ փուլի շրջանակներում տեղադրվել են հատուկ տեխնիկական սարքավորումներ, կառուցվել է երկաթուղային խոշոր տեխնիկայի վերանորոգման և տեղակայման համար նախատեսված հատուկ ծածկ: Երևանում գտնվող Ուսուցման ճանապարհային կենտրոնի վերազինումն ուղղված է երկաթուղու աշխատողների տեխնիկական ուսուցման մակարդակի կատարելագործմանը: Կենտրոնը հագեցած է ուսումնական գործընթացի կազմակերպման համար անհրաժեշտ տեխնիկական սարքավորումներով, դասագրքերով, լոկոմոտիվային բրիգադների  պրակտիկ դասընթացների համար առկա է նաև  հատուկ ուսումնավարժական լոկոմոտիվը:

Մինչ Սանահինի մեխանիզացված ուղեմասի և Երևանի Ուսուցման ճանապարհային կենտրոնի բացումը տեղի ունեցավ Հարավկովկասյան երկաթուղիներ ՓԲԸ-ի հիմնադիրների ընդհանուր ժողովը,  որտեղ ՀՀ տրանսպորտի և կապի նախարարի տեղակալ Արթուր Առաքելյանի թեկնածությունը հաստատվեց «ՀԿԵ» ՓԲԸ-ի տնօրենների խորհրդի անդամների կազմում:

Այլ մանրամասներ՝ տեսանյութում

ՀՀ տրանսպորտի և կապի նախարարությանլրատվական ծառայություն

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունիս 2014
Երկ Երե Չոր Հնգ Ուրբ Շաբ Կիր
« Մայիս   Հուլ »
 1
2345678
9101112131415
16171819202122
23242526272829
30