Լրահոս
Օրվա լրահոսը

Անահիտ Բախշյան. «Անբարոյականություն է, երբ նախագահի աշխատավարձը բարձրանում է 2 անգամ, իսկ ուսուցիչների աշխատավարձը դեռ մի բան էլ պակասում է»

Հունիս 21,2014 13:00

Կրթության ազգային ինստիտուտի փոխտնօրեն Անահիտ Բախշյանն այսօր «Անալիտիկ» մամուլի ակումբում, անդրադառնալով հուլիսի 1-ից սպասվող աշխատավարձերի բարձրացմանը, հայտնեց, որ ընդամենը 9 տոկոսով է բարձրանալու մանկավարժների աշխատավարձը։

Տիկին Բախշյանը զարմանում է՝ ինչպե՞ս են անգամ այդքանը բարձրացնելու, եթե ՊՈԱԿ- ներին ավել չեն ֆինանսավորում. «Ինձ ուղղակի ասել են, որ այդքան բարձրացնելու են, ես էլ վստահում եմ այդ մարդուն»,- պատասխանելով այն հարցին, թե ինչու է միայն 9 տոկոսով  բարձրանալու, ասաց տիկին Բախշյանը։

Տիկին Բախշյանի խոսքերով՝ մանկավարժները հուսախաբ վիճակում են, որովհետեւ հունվարից մինչեւ հիմա շատ դպրոցներում ուսուցիչների դասղեկությունը համարյա չի վճարվում կամ կիսով չափ է վճարվում, գրավորների համար ընդհանրապես չեն վճարում. «Այսինքն, ուսուցիչների աշխատավարձը այնքան է նվազել, որ այդ 9 տոկոսը նույնիսկ այս տարբերությունը չի լրացնելու»։

Տիկին Բախշյանը կիսում է մանկավարժների վրդովմունքը, բայց խնդրում է նրանց իրենց վրդովմունքը դասարաններում չարտահայտել. «Կարող են, թող միահամուռ հավաքվեն եւ գնան կառավարության շենքի առաջ պահանջեն իրենց արժանի աշխատավարձը»։

Տիկին Բախշյանը մեկնաբանեց վարչապետի այն հայտարարությունը, որում ասվում է, որ դպրոցը եւ կրթությունը լինելու են կառավարության ուշադրության  կենտրոնում. «Մի հարցնող լինի, այդ ինչպե՞ս է լինելու, նվաստացուցիչ աշխատավարձով։ Մեր Իշխանություններին բոլորովին ձեռնտու չէ ունենալ այն ուսուցիչները, որոնք չունեն բացառապես պետական մտածելակերպ եւ որոնք իսկապես մտահոգվում են ոլորտի ճակատագրով»։ Նա անբարոյականություն է համարում, երբ նախագահի աշխատավարձը երկու անգամ բարձրանում է, իսկ ուսուցչի աշխատավարձը դեռ մի բան էլ պակասում է. «Այդ 9 տոկոսը խաբկանք է»։

Անահիտ Բախշյանը ցավում է ուսուցիչների համար, բայց. «Ասում եմ, որ իրենց տեղն է։Նրանք, ովքեր հանրապետական կուսակցության ընտրությունների  համար գլխապատառ ինչ ասես անում են , հիմա կառավարությունը իրենց տեղը ցույց է տալիս»։

 

Էլյա ՀՈՎՀԱՆՆԻՍՅԱՆ

 

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունիս 2014
Երկ Երե Չոր Հնգ Ուրբ Շաբ Կիր
« Մայիս   Հուլ »
 1
2345678
9101112131415
16171819202122
23242526272829
30