Լրահոս
Օրվա լրահոսը

Պուտինը Ղարաբաղի հարցով նոր նախաձեռնությամբ հանդես կգա. Սերգեյ Մարկով. Haqqin.az

Հունիս 23,2014 20:58

Լեռնային Ղարաբաղի հակամարտության կարգավորման բանակցությունների փուլն այս պահին գտնվում է բավական ինտենսիվ փուլում, «Հաքքին.ազ» լրատվականին հայտնել է ռուս քաղաքագետ, քաղաքական ուսումնասիրությունների ինստիտուտի տնօրեն Սերգեյ Մարկովը՝ մեկնաբանելով Ռուսաստանի և Ադրբեջանի նախագահների այսօրվա հեռախոսազրույցը:

Ըստ նրա, Երևանին չի գոհացնում իրավիճակը փոխելու ներկայիս միտումները, իսկ Բաքուն դժգոհ է ներկայիս իրավիճակից, որովհետև կարծում է, որ ոտնահարվում են իր ազգային շահերը, գրում է լրատվականը:

«Կարծում եմ, նման իրավիճակում պետք է գտնել երկուստեք ընդունելի տարբերակ, որը կարտացոլի երկու կողմերի շահերը: Այս պահին առաջընթաց կա, և այս մասով զգացվում է Ռուսաստանի հետաքրքրվածությունը: ՌԴ ԱԳՆ Սերգեյ Լավրովի Բաքու և Երևան կատարած այցը նույնպես խոսում է դրա մասին», – ասել է Մարկովը:

Անդրադառնալով նախագահների այսօրվա հեռախոսազանգին՝ նա նշել է, որ, հավանաբար, ՌԴ առաջնորդ Վլադիմիր Պուտինին պետք էր իմանալ Ղարաբաղի հարցում Ադրբեջանի դիրքորոշումը:

«Ես չեմ բացառում, որ մոտակա ժամանակներում Ռուսաստանը հակամարտության կարգավորման նոր նախաձեռնությամբ հանդես գա», – ասել է քաղաքագետը:

 

Պատրաստեց Հովհաննես ԻՇԽԱՆՅԱՆԸ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունիս 2014
Երկ Երե Չոր Հնգ Ուրբ Շաբ Կիր
« Մայիս   Հուլ »
 1
2345678
9101112131415
16171819202122
23242526272829
30