Այսօր Աֆրիկյանների ակումբի շենքի մոտ տեղի ունեցող բողոքի ակցիային էր եկել մասնակցելու նաեւ Էլեկտրաէներգիայի թանկացման դեմ պայքարող ակտիվիստներից Արա Կարագյոզյանը, ով բռնության էր ենթարկվել ոստիկանության կողմից, եւ նրան տեղափոխել էին Սուրբ Գրիգոր Լուսավորիչ հիվանդանոց:
Նա մեզ պատմեց, թե ինչպես էին ոստիկանները իր նկատմամբ բռնություն կիրառել`նախ կրծքին էին խփել, հետո քունքերը սեղմել, նա էլ գիտակցությունը կորցրել էր, արթնացել էր, երբ արդեն ոստիկանները չկային: Շտապ օգնության մեքենայով նրան տեղափոխել են հիվանդանոց: «Մենք հաղորդում ենք տվել ոստիկանությանը հանցագործության մասին, որ մեր նկատմամբ բռնություն է գործադրվել, եւ քննիչը որոշում կայացրեց՝ դատաբժշկական քննություն անցկացնելու, ես այսօր դատաբժշկին մոտ եմ եղել, սակայն դատաբժիշկը չընդունեց՝ ասելով, որ պետք է հիվանդանոցի փաստաթղթերը լինեն, սակայն ես ինքս իրավաբան եմ եւ գիտեմ, որ դա անհետաձգելի քննչական գործողություններ են, ես քննիչին հարց տվեցի՝ երեք օր հետո ուղարկեմ, երբ որ իմ մարմնական վնասվածքները վերանա՞ն: Ասաց՝ չի վերանա»,- պատմեց Արա Կարագյոզյանը: Նշեց, որ հաջորդ քայլը եղել է Մարդու իրավունքների պաշտպանի գրասենյակ դիմելը եւ շնորհիվ այդ կառույցի՝ կարողացել է հասնել նրան, որ դատաբժշկական քննությունն այսօր անցկացվի: Արդյունքները կստանա օրեր հետո:
Մանրամասները տեսանյութում.
Կարդացեք նաև
Հռիփսիմե ՀՈՎՀԱՆՆԻՍՅԱՆ
