Լոռու մարզի առաջին ատյանի դատարանում, դատավոր Նարինե Հովակիմյանի նախագահությամբ, շարունակվում է «Մուշ» ռեստորանում փաստաբան Սամվել Շարբաթյանի սպանության մեջ մեղադրվող Սամվել Դիլոյանի, Արտակ եւ Արեն Վերանյանների դատաքննությունը:
Իրեղեն ապացույցների հետազոտումից հետո դատարանն անցել է ամբաստանյալների հարցաքննությանը:
Կարդացեք նաև
Նախորդ դատական նիստի ժամանակ դատարանում ցուցմունք տվեց Սամվել Դիլոյանը:
Էական հակասություններ ամբաստանյալի նախաքննական եւ դատաքննական ցուցմունքներում չկային:
Այսօրվա դատական նիստի ժամանակ դատարանում ցուցմունք տվեց Արեն Վերանյանը:
Նա դատարանին հայտնեց նույնաբովանդակ ցուցմունքներ, ինչ Արտակ Վերանյանն ու Սամվել Դիլոյանը:
Նրա նախաքննական ու դատաքննական ցուցմունքներում եւս էական հակասություններ չկային:
Այնուհետեւ դատարանը հրապարակեց տուժողի նախկին իրավահաջորդ Սաթենիկ Սարգսյանի դիմումը, որում այնպիսի տեղեկություններ են հայտնվում, որոնք մինչ այս պահը դատարանը քննության չի առել:
Դիմումի հրապարակումից հետո պաշտպանական կողմը հայտնեց, որ փաստաթուղթը անարժանահավատ է, կասկած կա, որ այն գրվել է Սաթենիկ Սարգսյանի բացակայությամբ:
Դատարանը որոշում կայացրեց հաջորդ դատական նիստին դատարան հրավիրել տուժողի նախկին իրավահաջորդին` իր դիմումում նշված հանգամանքների վերաբերյալ պարզաբանումներ տալու:
Տուժողի ներկայիս իրավահաջորդ Հասմիկ Մանուչարյանի միջնորդության հիման վրա դատարանը նաեւ որոշեց հաջորդ դատական նիստին լրացուցիչ հարցաքննության հրավիրել վկա Էդիկ Խլղաթյանին:
Հաջորդ դատական նիստը կկայանա օգոստոսի 12-ին:
Արեն Վերանյանի` դատարանում հայտնածն ու Սաթենիկ Սարգսյանի դիմումի մանրամասները` տեսանյութերում:
Մանրամասները` տեսանյութում
Անուշ ԲՈՒԼՂԱԴԱՐՅԱՆ
