«Մենք որոշում դեռ չունենք քայլերի հետ կապված: Շփվում ենք հասարակական խմբերի հետ»,- այսօր խորհրդարանում, լրագրողների հետ հանդիպման ժամանակ ասաց ՀԱԿ խմբակցության քարտուղար Արամ Մանուկյանը` պատասխանելով լրագրողներից մեկի հարցին`ի՞նչ է կոնկրետ քայլեր է առաջարկում անել քառյակը, էլեկտրաէներգիայի սակագնի թանկացման վերաբերյալ:
Արամ Մանուկյանը նշեց, թե իրենք ունեն հիմնարար ու փաստարկված առաջարկներ, որ կարելի է խուսափել սակագնի բարձրացումից, բայց վստահ չեն, թե իշխանությունները պատրաստ են դրան գնալ. «Այս թանկացման արդյունքում գնաճ ու արտագաղթ է տեղի ունենալու… գուցե անհույս լավատեսություն է, որ փորձենք համոզել իշխանություններին հետ կանգնել այդ քայլից»,- ասաց նա ու ավելացրեց, որ դեռ մանրամասն չեն հասցրել քննարկել իրենց անելիքները, բայց շատ տարբերակներ կան` Սահմանադրական դատարան դիմել և այլն:
Հասարակության գերակա շահի իրավունքը ՍԴ-ում վիճարկելուն կողմ է նաեւ ՀՅԴ խմբակցության ղեկավար Արմեն Ռուստամյանը: Ի տարբերություն քառյակի իր մյուս գործընկերների, համատեղ ասուլիսում նա անդրադարձավ էլեկտրաէներգիայի սակագնի թանկացման քաղաքական ասպեկտին:
Մանրամասները` տեսանյութում
Կարդացեք նաև
Նելլի ԳՐԻԳՈՐՅԱՆ
