Ճարտարապետ Լեւոն Վարդանյանն այսօր Transparency International հակակոռուպցիոն կենտրոնի ներկայացուցիչներին ու հուշարձանների պաշտպանության համար պայքարող ակտիվիստներին մեղադրեց պատվեր կատարելու մեջ:
«Պարզ եմ ասում, ձերը պատվեր է: Ծածկած շուկայի դեպքից անմիջապես հետո հանրության ուշադրությունը շեղեցին Մաշտոցի պուրակի վրա, որ էսօր դրոշակով ասում են քաղաքացիական հասարակության պայքար է: Չէ, շուկայի ծրագիր կար, եւ ուշադրությունը հատուկ շեղեցին պուրակի վրա, որը լուրջ խնդիր չէր, մի հատ լուրջ թատրոն սարքեցին, արանքում շուկան այլանդակվեց: Իսկ շուկան բոլոր հուշարձանների մեջ ամենաունիկալն էր, որովհետեւ շատ քիչ ազգեր ունեն շուկայի նման ճարտարապետական նմուշ: Շուկայից հետո շատ սուսուփուս անցան Շահումյանի հրապարակին, իսկ այն պատմական մի ամբողջ շրջան էր ներկայացնում: Քանդեցին ու մեկ մասնագետի, մեկ ակտիվիստի այնտեղ չեմ տեսել: Դուք հիմա ուզում եք այս ֆոնի վրա հավատամ, որ ազնվորեն եկել եք ու մտածում եք Երեւանի մասի՞ն: Երեւանի մասին մտավորականներից մինչեւ էսօր մեր կողքին ժամանակին կանգնել է ընդամենը մի Կարեն Սիմոնյան, մենակ նրան եմ տեսել:
Ախր, եթե Երեւանում չկա երեւանցի հասկացողություն հո քաղաքը շենքերով չէ՞, երեւանցի հասկացողություն չկա, կարող եմ մտնել քաղաքի կենտրոնական բակերը ցույց տամ, որ բնակիչները արժանի չեն երեւանցի կոչվելու»,- այսօր Աֆրիկյանների տան քանդման հարցի վերաբերյալ քննարկման ժամանակ ասաց ճարտարապետ Լեւոն Վարդանյանը:
Կարդացեք նաև
Արփինե ՍԻՄՈՆՅԱՆ
