Ittrend.am-ը գրում է, որ ճանաչված արեւմտյան առցանց-կարծիքների ցանց Yelp-ը խոստովանել է` իրենց կայքում գրված կարծիքների քառորդ մասը պատվիրված մեկնաբանություններ ու վճարված կարծիքներ են: Բացի այդ, Yelp-ը նշում է, որ բիզնես ոլորտն առավել ակտիվորեն է փորձում ձեւավորել հասարակական կարծիք նման մանիպուլյացիաների դիմելով: Ծառայության օպերատորն ասում է, որ ի սկզբանե պատվիրված կարծիքները շատ քիչ էին, բայց հիմա դրանց թիվն աճում է, քանի որ սրճարանների, հյուրանոցների, սպորտ-ակումբների եւ այլ հանրային հաստատությունների սեփականատերերը այս ձեւով փորձում են գրավել հաճախորդներին:
Միեւնույն ժամանակ Yelp-ում հավատացնում են, որ նմանատիպ մեկնաբանությունները ֆիլտրվում են: Ընկերությունում ասում են, որ հիմա ֆիլտրացիայի համակարգը նշում է նամակների 25 տոկոսը, որը ծառայության ստեղծման առաջին օրվանից սկսած ռեկորդ է համարվում: Մյուս կողմից ծառայության օպերատորը հայտարարում է, որ հարյուր տոկոսով ֆիլտրել կեղծ հաղորդագրությունները հնարավոր չէ եւ որոշ տոկոս դրանցից ամեն դեպքում պահպանվում է:
