«Չեմ կարողանում հասկանալ, թե ինչու են նման հայտարարություններ տարածում»,- Նավասարդ Կճոյանի եւ նախկին վարչապետ Տիգրան Սարգսյանի ստորագրությունները կեղծելու մասին Աշոտ Սուքիասյանի հայտարարությանն անդրադառնալով՝ ասաց Փայլակ Հայրապետյանի փաստաբան Վաղարշակ Գեւորգյանը:
Նա Aravot.am-ի հետ զրույցում ասաց, որ զարմացած է ստորագրությունները կեղծելու մասին հրապարակումներից, որովհետեւ. «Թող քննություն արվի, էդ մարդը դեռ նորմալ ցուցմունք չի տվել, թե ինչ է ասում, ես տեղյակ չեմ»:
Անդրադառնալով Աշոտ Սուքիասյանի փաստաբան Յուրիկ Խաչատրյանի պնդումներին, թե «սարքած գործ է» եւ այդ ամենը հատուկ դիտավորություն է եղել, արվել է, որ Սուքիասյանը խնդիրներ ունենա, Աֆրիկայում գտնվող ադամանդի հանքի` նրան պատկանող 60 տոկոս մասնաբաժինը ձեռքից վերցնեն և մեծ շահույթ ստանան, պարոն Գեւորգյանն ասաց. «Թող ասի դիտավորություն ասելով ինչ է տեսնում, որտեղ է տեսնում: Պետք է ուղիղ ասի: Այն որ դիտավորյալ Փայլակ Հայրապետյանին ունեզրկել են քննարկման առարկա չէ: Պատահականություն չկա այս գործում, նման բաները պատահական չեն անում, խոսքը տասնյակ դոլարների մասին է: Եթե իր պաշտպանյալի նկատմամբ դիտավորություն է արվել, թող հրապարակի, նախաքննությունն էլ՝ պարզի»:
Պարոն Գեւորգյանի խոսքով, արդեն բավականին նյութեր են հրապարակվել, որոնցով ակնհայտ է՝ ինչու է Փայլակ Հայրապետյանը ունեզրկվել. «Մեր նկատմամբ փողերի լվացում է կատարվել, հանցագործություն, խարդախություն, զեղծարարություններ, արդյունքում ունեզրկվել ենք»:
Կարդացեք նաև
Արփինե ՍԻՄՈՆՅԱՆ
