Դերասան Կարեն Մկրտչյանի հետ կապված միջադեպը վերջին օրերին համացանցում լայնորեն քննարկվեց: Ֆեսբուքյան օգտատեր Գևորգ Ալեքսանյանը գրառում էր կատարել, որտեղ դերասանին մեղադրել էր շառլատանության մեջ:
Այսօր «Ելակետ» մամուլի ակումբում այդ թեմային անդրադարձան ինքը` դերասանը, և այդ գործով զբաղվող իրավաբանները: «Էյ էմ» իրավաբանական ընկերության գլխավոր իրավախորհրդատու, Կարեն Մկրտչյանի փաստաբան Դավիթ Հունանյանը տեղեկացրեց, որ մինչև վերջ են գնալու և այն անձինք, ովքեր խախտել են Կարենի իրավունքները, կպատժվեն: Նա անընդունելի համարեց ժամանակից շուտ ոչ մասնագիտական որակավորումներին տրվելը ու մանրամասնեց. «Կեղծ փաստաթղթեր չկան, Կարենը ոչ մի թաքցնելու բան չունի: Կասկածի տեղիք չկա: Վճարումը հենց Կարենն է կատարել և նա գիտի, թե ինչ վճարումներ է կատարել: Կարենն առաջին հերթին իր առողջությամբ է անհանգստացած եղել և այնտեղ չի մեկնել փաստաթղթեր հավաքելու»:
Իրավաբանը ֆեսբուքյան օգտատերի կերպարը «մտացածին» համարեց ու շարունակեց. «Բոլորս հասկանում ենք ֆեյսբուքյան հրապարակումների բացասական կողմը: Ամեն մարդ էլ կարող է մի բան հորինել ու գրել, բոլոր այն անձինք և լրատվամիջոցները, որոնք չճշտված տեղեկատվություն են տարածել, ստանալու են իրենց պատիժը: Խոսքի ազատությունը կա, բայց եթե հրապարակում է արվում, ապա պետք է հիմնավորված լինի, փաստերի հիման վրա»:
«Էյ էմ» իրավաբանական ընկերության ավագ իրավախորհրդատու, փաստաբան Վահագն Դալլաքյանը, վերջակետ դնելով տարբեր շահարկումներին, ասաց, որ ոստիկանական քննությունից հետո բոլոր հարցերը կպարզաբանվեն. «Համապատասխան թղթերը գտնվում են հիվանդանոցում, դրանք անձնական տվյալներ են, կարող են հարցում անել և այդ տվյալները ստանալ»:
Կարդացեք նաև
Տաթև ՀԱՐՈՒԹՅՈՒՆՅԱՆ
Իհարկե , ոչինչ էլ չի թաքցնում:Է, հայեր, ձեզ պաշտելով գնաց բուժվեց, եկավ որ նոր ցավի տեր դարձնեք:Դա գենետիկա է, դուք այդպիսինն եք: Եթե մեղր եք տալիս, ապա միայն եղինջի թերթիկների վրա:Դուք հայ եք, իսկ հայն այդպիսին է: