Այսօր տեղի է ունեցել «Ագրարային» կուսակցության վարչության նիստը:
Կուսակցության վարչությունը մասնավորապես քննարկել է օգոստոսի մեկից էլեկտրաէներգիայի սակագնի բարձրացման և դրա հետևանքով պայմանավորված ազգաբնակչության և տնտեսվարող սուբյեկտների սոցիալ-տնտեսական վիճակին վերաբերող հարցեր:
Վարչությունը էլեկտրաէներգիայի սակագնի բարձրացումը գնահատել է որպես անհիմն և Հայաստանի ժողովրդի սոցիալ-տնտեսական վիճակը էլ ավելի վատթարացնող որոշում:
«Ագրարային» կուսակցության վարչությունը, իր մտահոգությունը արտահայտելով խնդրի վերաբերյալ, որոշում է ընդունել սատարել «Օրինաց երկիր» կուսակցության նախաձեռնությանը` էլեկտրաէներգիայի սակագները, ինչպես նաև Հանրային ծառայությունները կարգավորող հանձնաժողովի հուլիսի 1-ի որոշումը Վարչական դատարանում վիճարկելու գործընթացին, ինչպես նաև այսօր ժամը 18:30-ին միանալ Ազատության հրապարակում ՕԵԿ նախաձեռնած հանրահավաքին ընդդեմ էլեկտրաէներգիայի սակագնի բարձրացման:
Նիստում քննարկվել են նաև Հայաստանի ներքաղաքական և կուսակցության կազմակերպչական խնդիրներին վերաբերող հարցեր:
Կարդացեք նաև
«Ագրարային» կուսակցության մամուլի ծառայություն
Օեկ-ն էլ իր հեթին ,,հաճախորդի,, կարգավիճակ է շնորհում անհայտ ու ,,անգյուման,, այսպես կոչված կուսակցությոյնների, որոնց անունը հանրությունը ընդհանրապես չի լսել…