Դատարանի որոշումը՝ պահեստազորի գնդապետ, ազատամարտիկի Վոլոդյա Ավետիսյանին խարդախության հոդվածով 6 տարի ազատազրկման դատապարտելու, «Ժառանգություն» կուսակցության փոխնախագահ Արմեն Մարտիրոսյանի գնահատմամբ՝ անարդարացի է:
Aravot.am-ի հետ զրույցում պարոն Մարտիրոսյանն ասաց. «Ես չեմ ասում դա եղել է, կամ չի եղել: Բայց այն, ինչի մասին խոսում են, նույնիսկ եթե դատարանը պետք է ոչ քաղաքական վճիռ կայացներ, պարզ է, որ մի քանի տարուց ավելի չէր տա: Հետո էլ համաներման տակ կմտներ ու կազատվեր: Բայց քանի որ հստակ քաղաքական է իր գործը, այդ թվում նաեւ դատավարությունը, ուստի ստացավ 6 տարի պատժաժամկետ: Տեսնում ենք, որ խայտառակ իրավիճակներով ավելի խոշոր հանցագործություններ են տեղի ունենում, պատժվում են ընդամենը 1-2 տարի: Սպանության համար են նույնիսկ ավելի քիչ տալիս, քանի Վոլոդյա Ավետիսյանին են տվել, ինչի՞ մասին է խոսքը»:
Հռիփսիմե ՋԵԲԵՋՅԱՆ
