Լրահոս
Օրվա լրահոսը

«Ոսկե ծիրանում» ցուցադրվեց ֆիլմ, որ նկարվել է շուրջ քսան տարի

Հուլիս 18,2014 20:56

«Օսկարի» կրկնակի նոմինանտ, ինքնատիպ ձեռագիր ունեցող ռեժիսոր Ռիչարդ Լինքլեյթերի «Պատանեկություն» (Boyhood) ֆիլմը «Ոսկե ծիրանի» շնորհիվ հասու եղավ հայ հանդիսատեսին: Հեղինակը այն նկարել է շուրջ քսան տարի, ավելի շուտ հետեւել հերոսին՝ 6-ամյա Մեյսոնին (Էլար Սելմոն)՝ նրա կյանքի ամենավճռորոշ փոփոխությունների տասնամյակում. տեղափոխություններ, ընտանեկան վեճեր, հուսախաբություններ ու ոգեւորություններ: Ռեժիսորն այնպես է աշխատել, որ Մեյսոնն ու իր քույր Սամանթան «մեծանում» են հանդիսատեսի աչքի առաջ, ամեն ինչ բնական է ու առանց ավելորդությունների: Մի բան պարզ է՝ բոլոր երկրներում բոլոր ընտանիքները նույն խնդիրներն ունեն, ուղղակի ամեն մեկի մոտ դրանք յուրովի են դրսեւորվում:

patanekutyun2

Հյուսթնում համալսարան սովորելու տարիներին Ռիչարդ Լինքլեյթերը գրականություն էր ուսումնասիրում, նաեւ աշխատում էր նավթային ընկերությունում, բայց երազում էր կինոյի մասին: Նա սկզբնական շրջանում որոշակի գումար աշխատեց համապատասխան տեխնիկա ձեռք բերելու համար ու վերջնականապես զբաղվեց կինոյով:

Այսօր «Մոսկվա» կինոթատրոնում Ռիչարդ Լինքլեյթերի «Պատանեկություն» ֆիլմի ցուցադրության ժամանակ դահլիճում մեծ թիվ էին կազմում երիտասարդները: Ֆիլմի ավարտից հետո դահլիճում ծափահարություններ հնչեցին:

 

Գոհար ՀԱԿՈԲՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հուլիս 2014
Երկ Երե Չոր Հնգ Ուրբ Շաբ Կիր
« Հուն   Օգո »
 123456
78910111213
14151617181920
21222324252627
28293031