Ինչպես տեղեկացրել ենք, այսօր Գյումրու «Մոր և մանկան» ավստրիական մանկական հիվանդանոցում գլանների վիրահատության 5-րդ օրը մահացել էր Արևիկ գյուղի 2010 թվականի բնակիչ Սուրեն Պողիկյանը:
Արևիկի գյուղապետ Գարեգին Ստեփանյանը Aravot.am- ի հետ զրույցում տեղեկացրեց, որ երեխայի հայրը` 1982 թվականին ծնված Գուրգենը, այս պահին Յակուտիայում է, գնացել է «խոպան». նրանց ընտանիքը նպաստառու է, իսկ տանը մնացել էին մայրը, տատիկը, Սուրենն ու նրա 3-ամյա եղբայրը: Թե ո՞ն է եղել երեխայի մահվան պատճառը, ի՞նչ են խոսում գյուղում, գյուղապետի ասելով, ստույգ տեղեկություններ դեռ չկան, երեխայի դին դիահերձարանում է, գյուղից շատերն էլ այնտեղ են: «Ես լսել եմ, որ Սուրենը անգինա է ունեցել, 3 օր առաջ տարել են վիրահատության, երեկ արյունահոսել է, էսօր մահացել: Չգիտեմ, ստույգ չեն իմ տեղեկությունները, հաշվապահիս ուղարկեցի դիահերձարան, որ մի բան ճշտի» , -ասաց գյուղապետը:
Հիշեցնենք, որ փաստի առթիվ Շիրակի մարզի քննչական բաժնում քրեական գործ է հարուցվել. երեխայի մահը բժշկական սխալի հետևա՞նք է, թե՞ ոչ, ցույց կտա դատաբժշկական փորձաքննությունը:
Մեր տեղեկություններով, դատաբժշկական փորձաքննության արդյունքները 2 ժամից պարզ կլինեն, ըստ արձանագրված նախնական տվյալների, երեխան մահացել է արյունահոսությունից:
Նունե ԱՐԵՎՇԱՏՅԱՆ
