Հուլիսի 21-ին Տավուշի մարզպետարանում սահմանադրական բարեփոխումների հայեցակարգի քննարկման ժամանակ Կիրանց համայնքի ղեկավար Հմայակ Նազարյանը հարց տվեց, թե արդյոք իշխանությունը պատրա՞ստ է, ի՞նչ է սպասվում, եթե սահմանադրական բարեփոխումների հանրաքվեն ձախողվի:
Սահմանադրական բարեփոխումների մասնագիտական հանձնաժողովի անդամ, ՀՀ նախագահի աշխատակազմի իրավաբանական վարչության պետ Գրիգոր Մուրադյանը պատասխանեց. «Միշտ պատրաստ ենք (դահլիճում ծիծաղեցին): Պարզապես, եթե դեմ եք քվեարկում, ապա կնշանակի,որ որոշակի ժամանակահատված սահմանադրական բարեփոխումների ընթացակարգը կկանգնեցվի: Առաջիկայում լինելու են համապետական ընտրություններ եւ համապետական ընտրություններում մեծամասնություն ունեցող կուսակցությունները կորոշեն, թե ինչ անել: Բայց խնդրում ենք մեզ չսպառնալ, մենք լիահույս ենք, որ այս հանրաքվեն չի ձախողվի»:
Տավուշի մարզպետ Հովիկ Աբովյանը դիմելով Հմայակ Նազարյանին, կատակով ասաց. «Եթե բան գիտես, ասա»: Դա դահլիճում կրկին ծիծաղ առաջացրեց:
Ոսկան ՍԱՐԳՍՅԱՆ
