Լրահոս
Օրվա լրահոսը

«Չոբանը, որ իր համար անասուն է արածեցնում, չի կարող սահմանադրական փոփոխություն առաջարկել». «Իրատես de facto»

Հուլիս 22,2014 12:09
Rafik petrosyan

Հատված Ռաֆիկ Պետրոսյանի (վաստակավոր իրավաբան, ՀՀԿ խորհրդի անդամ) հարցազրույցից:

– Ըստ Տեր-Պետրոսյանի, սահմանադրական փոփոխությունների միջոցով Սերժ Սարգսյանը ցանկանում է իր իշխանությունը «հավերժացնել»։ Այս փոփոխություններով կառավարման մոդելի հարցը ևս քննարկման ծիրում է։ Դա հնարավորություն ստեղծո՞ւմ է գործող նախագահի համար «հավերժ» իշխանությունում մնալու։

– Ես նման բան չեմ տեսնում, ինչի մասին ակնարկում է Լևոն Տեր-Պետրոսյանը։ Եթե կիսանախագահականից անցում կատարենք խորհրդարանական կառավարման ձևին, Սերժ Սարգսյանը հնարավորություն կունենա ընտրվելու ԱԺ նախագահ։ Սա այն դեպքում, եթե ՀՀԿ-ն շարունակի մեծամասնություն մնալ, որովհետև այդ պարագայում նախագահին ընտրում է ԱԺ-ն։ Ես չգիտեմ՝ նախագահն այդ նպատակն իրականում ունի՞, թե՞ ոչ։

– Այսօր բավականին մեծամասշտաբ քննարկումներ են ծավալվում։ Որպես մասնագետ, ի՞նչ եք կարծում, Սահմանադրության առնչությամբ հանրային գիտակցումը մեզանում ի՞նչ մակարդակի վրա է։

– Հիմնականում մտավորականությունը և մասնագետները կարող են դրան մասնակից լինել, առաջարկություններ անել, որոնք հանձնաժողովը պետք է ամփոփի։ Հասարակ մարդը, չոբանը, որ իր համար անասուն է արածեցնում, չի կարող սահմանադրական փոփոխություն առաջարկել։

– Մասնագիտական հանձնաժողովը «լավ» Սահմանադրություն մշակելու հույս ներշնչո՞ւմ է Ձեզ։

– Դժվար է ասել։ Մասնագիտական հանձնաժողովը, եթե ուզում է ճիշտ տեղից սկսել, պետք է նախ և առաջ դատարանները անկախ դարձնի, որովհետև հասարակության դժգոհության առյուծի բաժինը հենց նրանց գործունեությունից է։ Պետք է արդարադատության խորհուրդը դառնա անկախ մարմին, որովհետև դատավորները միշտ կախված են նրանից ու չեն կարող արդար որոշումներ կայացնել: Պետք է ձերբազատվել «հեռախոսազանգային» արդարադատությունից:

Ռուզան ԽԱՉԱՏՐՅԱՆ
Հարցազրույցն ամբողջությամբ կարող եք կարդալ «Իրատես de facto» թերթի այսօրվա համարում

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հուլիս 2014
Երկ Երե Չոր Հնգ Ուրբ Շաբ Կիր
« Հուն   Օգո »
 123456
78910111213
14151617181920
21222324252627
28293031