Լրահոս
Օրվա լրահոսը

Սերժ Սարգսյանին նամակ են ուղարկել՝ պահանջելով նրա հրաժարականը

Հուլիս 22,2014 12:18

ԱԻՄ առաջնորդ Պարույր Հայրիկյանն այսօր նամակ է ուղարկել ՀՀ նախագահ Սերժ Սարգսյանին՝ պահանջելով նրա հրաժարականը:

«Մի՞թե դժվար է պատկերացնել, որ այն, ինչ չեք կարողանում անել, կարող է ուրիշն անել: Ձեր սխալների պատճառով հայ ժողովուրդը հայտնվել է կոտրված տաշտակի առջեւ… Ձեր մնալը ոչ մի արդարացում չունի: Հայաստանը պետք է կտրուկ փոխի իր արտաքին քաղաքականությունը եւ դրա առաջին համակարգային քայլը ձեր հրաժարականն է նախագահի պաշտոնից»,- այսօր «Զարկերակ» ակումբում ներկայացնելով Սերժ Սարգսյանին ուղարկված նամակի բովանդակությունը `ասաց պարոն Հայրիկյանը:

Նա Սերժ Սարգսյանին նամակով առաջարկել է ՀՀ նախագահի պաշտոնից հրաժարվելուց հետո մնալ թեկուզ խորհրդարանական մեծամասնության առաջնորդ, ղեկավարել Հանրապետական կուսակցությունը, բայց եւ կոչ է արել ընդունել, որ. «Հայաստանի արտաքին քաղաքականության հիմնական ուղեգծից՝ եվրոպական կողմնորոշումից հրաժարվելով, Սերժ Սարգսյանը Հայաստանը կործանման նախաշեմին է հասցրել»:

Պարոն Հայրիկյանը նաեւ հիշեցրել է Լեւոն-Տեր-Պետրոսյանի հրաժարականը եւ կոչ արել նրանից օրինակ վերցնել.«Ավելի մեղմ իրավիճակում Լեւոն Տեր-Պետրոսյանը իր մեջ ուժ գտավ հրաժարվելու նախագահի աթոռից: Հիմա ձեր հերթն է»:

Արփինե ՍԻՄՈՆՅԱՆ

Լուսանկարը՝ արխիվային. Սերժ Սարգսյանը Պարույր Հայրիկյանի դեմ մահափորձից հետո նրա հիվանդասենյակում

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (4)

Պատասխանել

  1. dyadyur says:

    Մեր ,,քաղաքական գործիչներից,, սատանան էլ գլուխ չի հանի:Պ. Հայրիկյանի այս կոչին Ս.Սարգսյանը երեկոյան, կամ էլ վաղն առավոտյան, կհայտարարի իր հրաժարականի մասին,վերջում էլ Պարույրից ներողություն կխնդրի ուշ արձագանքելու համար: Թե ինչի վրա է հույս դրել Հայրիկյանը` ,,նախապատրաստվելով,, արտակարգ նախագահական ընտրություններին,անհասկանալի է:

  2. Mika says:

    Ասում են Սերժիկը նամակից խիստ ազդվել է, միգուցե նույնիսկ արտասվում է….

  3. Սոս Ավետիսյան says:

    Եթե Սերժը չարտասուի, ազգն է արտասուելու. որոշիր, Միկա, ում ենք լացացնում:

  4. sago says:

    Պարույր ջան, կեցցես! Ոնց ոչ մեկը չէր ֆայմել:

Պատասխանել

Օրացույց
Հուլիս 2014
Երկ Երե Չոր Հնգ Ուրբ Շաբ Կիր
« Հուն   Օգո »
 123456
78910111213
14151617181920
21222324252627
28293031