Անցյալ շաբաթ Հայաստան էր ժամանել Նիդերլանդների Թագավորության խորհրդարանի պատվիրակությունը՝ Ներկայացուցիչների պալատի պատգամավոր, «Ազատություն եւ ժողովրդավարություն» ժողովրդական կուսակցության ԵՄ հարցերով պատասխանատու Մարկ Ֆերհայենի գլխավորությամբ:
– Հայաստանում հաճախ տարբեր մակարդակով տեսակետներ են հնչում, որ ԵՏՄ-ին միանալուց հետո Հայաստանը կարող է կամուրջ հանդիսանալ Եվրամիության ու Եվրասիական տնտեսական միության միջեւ։ Ինչպե՞ս եք վերաբերում այս տեսակետներին, դրանք իրագործելի համարո՞ւմ եք։
– Անկեղծ ասած, չեմ կարծում, որ դա իրատեսական կլինի կազմակերպել։ Իհարկե, Հայաստանը եվրասիական ուղով գնալուց հետո եւս կկարողանա ԵՄ-ի հետ միասին աշխատել, առեւտուր կազմակերպել եւ տարբեր ծրագրեր իրականացնել, բայց, որպես երկիր, չի կարողանա երկու մաքսային միության անդամ լինել։ Ոչ ոք չի կարող ժխտել, որ Հայաստանը կարող է երկու կողմերում էլ լինել, բայց դժվար թե կարողանա հանդես գալ որպես կամուրջ՝ ԵՄ-ի եւ Ռուսաստանի կամ ԵՏՄ-ի միջեւ։ Այս պահին ամենակարեւորը՝ երկրի տնտեսական կառուցվածքի եւ մրցունակության վրա աշխատելն է։ Հայաստանը շատ անելիքներ ունի աշխատաշուկայում՝ երիտասարդներին լավ ապագա առաջարկելու առումով: Հայաստանում պետք է նախանշվի տնտեսության համար նոր ներդրումների միտում, պայքարը կոռուպցիայի դեմ եւս շատ կարեւոր է։ Սա է Հայաստանի խոստումնալից ապագայի բանալին։
Թագուհի ՀՈՎՀԱՆՆԻՍՅԱՆ
Կարդացեք նաև
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
