Լրահոս
Օրվա լրահոսը

Ոստիկանը կորցրե՞լ է հիշողությունը

Հուլիս 23,2014 16:33

Շանթ Հարությունյանի եւ նրա ընկերների գործով դատական նիստին այսօր Կենտրոն եւ Նորք Մարաշ վարչական շրջանների ընդհանուր իրավասության դատարանում հարցաքննվեց նաեւ ավագ ոստիկան, տուժող Էվրիկ Լիոնսկին:

Երբ սկսեց պատմել իրադարձությունների հաջորդականությունը, նշեց, որ երթը տեղի է ունեցել դեկտեմբերի 5-ին, նրան ուղղեցին՝ նոյեմբերի:

Այս ոստիկանը փոքր ինչ անտեղյակ էր իրադարձություններին, քանի որ գրեթե բոլոր հարցերին պատասխանում էր՝ չգիտեմ:

Օրինակ, հարցին, թե տեսե՞լ է , թե ոստիկան Գեղամ Խաչատրյանն ինչպես էր քաշում Շանթ Հարությունյանի թեւից, ասաց տեսել ՝ ինչպես էր բռնել Շանթի ձեռքից, բայց չի տեսել հետո ինչ է արել:

Հարցին դեպքից հետո քանի օր անց եք այցելել հիվանդանոց տուժող Գեղամ խաչատրյանին տեսակցելու, նա չհիշեց: Նա այդպես էլ չհիշեց ում հետ էր այցելել:

Հարցին ինչի մասին եք զրուցել հիվանդանոցում, ասաց՝ չգիտեմ:

Ամբաստանյալ Ալեք Պողոսյանն էլ հետաքրքրվեց ՝ ինչպե՞ս եք տուժել, ասաց.« Սկսել եմ հազալ, աչքերս են ցավել»:

Ոստիկանի հարցաքննությունն ավարտվեց՝ Ալեք Պողոսյանի՝ «Թուրքեր կա՞ն ձեր ստորաբաժանում ծառայող» հարցով:

Վերջում ամբաստանյալ Արմեն Հովհաննիսյանն էլ շնորհակալություն հայտնեց, որ ոստիկանն իրենց այդքան ուրախացրեց:

Արփինե ՍԻՄՈՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հուլիս 2014
Երկ Երե Չոր Հնգ Ուրբ Շաբ Կիր
« Հուն   Օգո »
 123456
78910111213
14151617181920
21222324252627
28293031