Ադրբեջանի ընդդիմադիր կուսակցությունները միավորող Դեմոկրատական ուժերի ազգային խորհուրդը դատապարտել է Հայաստանի օգտին լրտեսության մեջ մեղադրվող լրագրող Ռաուֆ Միրկադիրովի դեմ Ադրբեջանի ազգային անվտանգության նախարարության և գլխավոր դատախազության տարածած հայտարարությունը, հայտնում է «Կոնտակտ»-ը:
Ազգային խորհուրդը պահանջել է անհապաղ ազատ արձակել Ադրբեջանի բոլոր քաղբանտարկյալներին, այդ թվում՝ Միրկադիրովին:
«Ազգային անվտանգության նախարարության և գլխավոր դատախազության հայտարարությունը ծիծաղելի է և ցավալի: Այն ոչ միայն խախտում է լրագրողի անմեղության կանխավարկածի իրավունքը, այլև այլ իրավունքներ ևս: Հատուկ ծառայությունների «Սամվել» գործողությունը հիշեցնում է «ազգի թշնամիներ» փնտրելու Բերիայի գործողությանը», – ասված է Ազգային խորհրդի հայտարարությունում:
Ընդդիմադիր կուսակցությունները ողջունել են փաստաբանների աշխատանքը և նշել, որ ԱԱՆ և գլխավոր դատախազության հայտարարություններն «ապացուցում են Հայաստանի հատուկ ծառայությունների հետ իրենց սերտ համագործակցությունը»:
Կարդացեք նաև
Պատրաստեց Հովհաննես ԻՇԽԱՆՅԱՆԸ
