Human Rights Watch միջազգային իրավապաշտպան կազմակերպությունը այսօր հայտարարել է, որ ուկրաինացի ուժայինների և կառավարամետ աշխարհազորայինների կողմից հուլիսի 12-21-ը առնվազն չորս անգամ «Գրադ» տեսակի հրթիռների գործածման հետևանքով զոհվել է 16 քաղաքացիական անձ և վիրավորվել են մեծ թվով քաղաքացիներ ապստամբների կողմից վերահսկվող Դոնեցկում և դրա արվարձաններում:
Human Rights Watch-ը նաև նշում է, որ «Գրադ» տեսակի հրթիռներ կիրառվել են ոչ միայն կառավարական և կառավարամետ ուժերի կողմից, այլ նաև ապստամբների կողմից:
Չթիրախավորված հրթիռների կիրառումը բնակեցված տարածքներում համարվում է միջազգային մարդասիրական օրենքների և պատերազմական օրենքների խախտում, և կարող է համարվել պատերազմական հանցագործություն:
«Գրադները» ուղղորդվող հրթիռներ են, որոնք չեն կարող ճշգրիտ թիրախավորել և միշտ արձակվում են բազմակիր հրթիռային կայաններից և ընդգրկում մեծ տարածքներ», – նշում է Human Rights Watch-ը:
Կարդացեք նաև
Human Rights Watch-ը Ուկրաինայի արևելքում շարունակվող հակամարտության կողմերին, հատկապես Ուկրաինայի կառավարական ուժերին կոչ է անում քաղաքացիական անձանց սպանելու և վիրավորելու հավանականության պատճառով դադարեցնել «Գրադ» տեսակի հրթիռների կիրառումը բնակեցված տարածքների շրջակայքում:
Մանրամասները կարող եք կարդալ` «Ազատություն» ռ/կ-ի կայքում
