Հուլիսի 27-ին «Գոլդեն Թյուլիփ» հյուրանոցում առավոտցիները նշեցին «Առավոտ» օրաթերթի հիմնադրման 20-ամյակը: Ձեւավորված ավանդույթի համաձայն, ինչպես գլխավոր խմբագիր Արամ Աբրահամյանն էր գրել, հատուկ հրավերքներ չկային, եկել էին բոլորը, ովքեր իրենց համարում են «Առավոտի» բարեկամ: Շնորհավորողների մեջ էին քաղաքական, մշակութային, հասարակական, իրավական ոլորտի գործիչներ, լրագրողներ, պետական կառույցների ներկայացուցիչներ, նախկինում «Առավոտում» աշխատած մարդիկ: Ամենաշուտը շնորհավորելու էր եկել ՀՀ արդարադատության նախարար Հովհաննես Մանուկյանը, տիկնոջ՝ Արմինե Հովհաննիսյանի հետ եկած «Ժառանգության» առաջնորդ Րաֆֆի Հովհաննիսյանը ներս մտավ ամբողջովին ջրված՝ չէր կարողացել «ազատվել» Վարդավառի «հետեւանքներից»: «Առավոտի» բարեկամ Գագիկ Շամշյանի ներկայությունը հյուրերից ոմանց շփոթության մեջ էր գցել, կատակով հարցնում էին՝ «Ինչ-որ դե՞պք է գրանցվելու, որ Շամշյանն էլ է ներկա»: Ինչպես ինքն է սիրում հաճախ ասել՝ «հորանց տան» քսանամյակին ներկա էր ԱԺ պատգամավոր Մարգարիտ Եսայանը: Ի թիվս այլ քաղաքական գործիչների, իրենց «Առավոտի» բարեկամ էին համարել Դավիթ Շահնազարյանը, Ազատ Արշակյանը, Հովհաննես Իգիթյանը, Տիգրան Հակոբյանը, Լիլիթ Գալստյանը եւ ուրիշներ, մշակութայիններից էլ՝ webtv.am-ի տնօրեն Արայիկ Մանուկյանը, տիկնիկայինի տնօրեն՝ Ռուբեն Բաբայանը եւ բանաստեղծ Վահե Արսենը:
Հյուրերը նաեւ գրավոր բարեմաղթանքներ թողեցին «Առավոտի» հոբելյանի առիթով, ինչպես նաեւ վայելեցին տավղի հնչյունները: Ի վերջո, ցանկացած հոբելյան նաեւ հրաշալի առիթ է հարազատ մարդկանց հանդիպելու համար:
Նույն օրը անակնկալ ուներ մեր իրավական էջի պատասխանատու Ռուզան Մինասյանը:
ՀՀ պաշտպանության նախարարի հրամանով նա պարգեւատրվեց «Մարշալ Բաղրամյան» մեդալով:
Կարդացեք նաև
Հոբելյանական տորթից բոլորին բաժին հասավ:
Արամ Աբրահամյանն ու Մելանյա Բարսեղյանը՝ քսանամյակի խորհրդանիշով:
Առցանց «Առավոտի» խմբագիր Աննա Իսրայելյանը՝ Րաֆֆի Հովհաննիսյանին. «Ձեզ ոնց որ լավ էլ ջրել են»
Հին առավոտցիներ եւ «հին» ամուսիններ Վոլոդյա Պետրոսյանն ու Կարինե Խաչատրյանը նկարվեցին թերթի 40-ամյակի համար:
Նելլի Բաբայանը՝ Արամ Աբրահամյանի հետ:
Գագիկ Շամշյանի աչքից չվրիպեցին Ազատ Արշակյանը՝ տիկնոջ հետ եւ «Առավոտի» մշակութային եւ կրթական էջի պատասխանատու Գոհար Հակոբյանը:
Գագիկ Շամշյանն ու արդարադատության նախարար Հովհաննես Մանուկյանը:
Մարգարիտա Հարությունյանն ու Ռուբեն Արեւշատյանը եւ մայր ու որդի են, եւ գործընկերներ «Առավոտում»:
«Առավոտի. տնօրեն Գարիկ Մելքոնյանը՝ տիկնոջ հետ:
«Առավոտի» ամենահին աշխատակից Աշոտ Հակոբյանը՝ ԱԺ պատգամավոր Մարգարիտ Եսայանի հետ:
Մելանյա Բարսեղյանը՝ մեր սիրելի քայլող դասական Արմեն Շեկոյանի հետ:
Աննա Իսրայելյանը՝ կայքի անխափան աշխատանքն ապահովող Էդգար Մարուքյանի ու Աղասի Սիմոնյանի հետ:
Առավոտցի Եվա Հակոբյանը ընտանիքով էր եկել հարազատ թերթի հոբելյանին:
Արամ Աբրահամյանը՝ Մելանյա Բարսեղյանի, Հասմիկ Բուդաղյանի եւ Նունե Արեւշատյանի հետ:
Ամի Չիչակյանը նոր է անդամագրվել «Առավոտին» ու իրեն լավ է զգում:
«Առավոտ» երիտասարդականի խմբագիր Հռիփսիմե Հովհաննիսյանն ու Եվա Հակոբյանը՝ «մեծական» «Առավոտում» լավ են զգում:
Լուսինե Բուդաղյանը՝ հոբելյանական տորթի հետ:
Ռուզան Մինասյանը պարգեւատրվեց ՊՆ «Մարշալ Բաղրամյան» մեդալով:
«Առավոտի» էջադրող Լիանա Ավագյանը:
Արեւ Բարսեղյանը, Մարինա Մերուժանյանը եւ Հռիփսիմե Ջեբեջյանը:
Նելլի Գրիգորյանը, Հովհաննես Իգիթյանը, Աննա Իսրայելյանը, Տիգրան Հակոբյանը եւ Մեսրոպ Հարությունյանը:
Արփինե Սիմոնյանը, Տաթեւ Հարությունյանը եւ Էմմա Գաբրիելյանը:
Ռուզան Խաչատրյանը բարեմաղթանք գրեց՝ «Առավոտին» ուղղված:
Պատրաստեց ԳՈՀԱՐ ՀԱԿՈԲՅԱՆԸ
Լուսանկարները՝ ԳԱԳԻԿ ՇԱՄՇՅԱՆԻ
«Առավոտ» օրաթերթ
