Լրահոս
Օրվա լրահոսը

Այգեպարցիները շաբաթվա մեջ 3 անգամ նորոգում են գնդակոծություններից ծակծկված տանիքները

Հուլիս 29,2014 19:10

Հուլիսի 28-ի երեկոյան ադրբեջանական գնդակոծությունը վնասներ է պատճառել Այգեպար, Չինարի, Մովսես, Ներքին Կարմիրաղբյուր գյուղերին: Այգեպար համայնքի ղեկավար Անդրանիկ Այդինյանն ասաց. «Գյուղացիները չգիտեն, թե ուր տանեն իրենց երեխաներին: Մի շաբաթվա մեջ 3 անգամ նորոգել են գնդակոծությունից ծակծկված տանիքները, սակայն էլ տրամադրություն եւ ֆինանսներ չունեն՝ դրանք նորոգելու»:

Գյուղապետը տեղեկացրեց, որ չնայած գյուղի մանկապարտեզում արձակուրդ չի հայտարարվել, սակայն մանկապարտեզում պարապմունքներ չեն կայանում. երեխաները վախենում են նախադպրոցական հաստատություն հաճախել: Այգեպարի մանկապարտեզի պաշտպանիչ պատի շինարարությունն այդպես էլ չի սկսվել , չնայած Կարմիր Խաչի միջազգային ընկերության ներկայացուցիչները խոստացել էին դրա շինարարությանը մեծապես աջակցել:

Չինարիի գյուղապետ Սամվել Սաղոյանը հայտնեց, որ հուլիսի 28-ի երեկոյան ադրբեջանական գնդակոծությունից գյուղում շատ տների պատեր, պատուհաններ են վնասվել, սակայն կարեւորն այն է, որ մարդ չի տուժել; Գյուղապետն ասաց, որ այժմ հարեւան Չորաթանից բերած հացահատիկահավաք կոմբայնը Չինարիում կատարում է տեղանքի պատճառով ադրբեջանական գնդակոծությունից համեմատաբար ապահով հացահատիկի արտերի հունձը:

 

Ոսկան ՍԱՐԳՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հուլիս 2014
Երկ Երե Չոր Հնգ Ուրբ Շաբ Կիր
« Հուն   Օգո »
 123456
78910111213
14151617181920
21222324252627
28293031