«Որքան ուժգնանում են Ռուսաստանի ճնշումները Հայաստանի վրա, այնքան բացահայտ լկտիորեն են գործում Հայաստանում ռուսական KGB-ի գործակալները, հայրենիքի դավաճանները: Արդեն բազմից նշել եմ, որ Ռուսաստանի գործակալները սկսել են աշխատել Ադրբեջանի եւ Թուրքիայի օգտին: Վերջին ակնհայտ դրսեւորումը եղավ Գեորգի Վանյանը»,- այսօր անդրադառնալով օրեր առաջ համացանցում տարածված լուրին, թե Գեորգի Վանյանը ցավակցություն է հայտնել ադրբեջանցի դիվերսանտների ընտանիքներին եւ ներողություն խնդրելու լուրին`
Կենտրոն եւ Նորք- Մարաշ վարչական շրջանների ընդհանուր իրավասության դատարանում հայտարարեց «Ցեղակրոն» կուսակցության նախագահ Շանթ Հարությունյանը:
Նրա խոսքով, ինքը նախկինում մտածում էր, թե Վանյանը ազնիվ ու սկզբունքային մարդ է, բայց. «Այդ հայտարարությունները կապ չունեն ոչ արդարության, ոչ ազնվության, ոչ էլ սկզբունքայնության հետ: Նրա պահվածքը մի անուն ունի` հայրենիքի դավաճան: Եթե Գեորգի Վանյանը փորձեր պաշտպանել ադրբեջանցի դիվերսանտների իրավունքները`որպես կալանավորի, գուցե հասկանայի, բայց դիվերսանտին ակնհայտ համարել պատանդ, դա կանի միայն հայրենիքի դավաճանը»:
Շանթ Հարությունյանը Վանյանի հայտարարությունից հասկացել է, որ նա Մոսկվայի գործակալ է եւ գործում է Հայաստանի դեմ ռուսական KGB-ի ցուցումով.«Եթե Վանյանը թուրք-ադրբեջանական գործակալ լիներ, նրան Հայաստանում վաղուց կձերբակալեին, բայց անպատիժ գործել այսօր կարող են միայն Ռուսաստանի գործակալները»:
Aravot.am-ը Շանթ Հարությունյանի մեղադրանքների վերաբերյալ փորձեց զրուցել նաեւ Գեորգի Վանյանի հետ, բայց նա չցանկացավ անդրադառնալ իր հասցեին հնչած հայտարարությանը, միայն ասաց` no comment:
Կարդացեք նաև
Արփինե ՍԻՄՈՆՅԱՆ
