Ռուսաստանցիների 82 տոկոսը համոզված է` հուլիսի 17-ին Դոնեցկի մերձակայքում կործանված մալայզիական «Բոինգ»-ի վթարի պատճառը ուկրաինական բանակի գործողություններն էին: Սա են վկայում Մոսկվայում գործող «Լևադա» սոցիոլոգիական կենտրոնի հարցման արդյունքները:
Հարցված ռուսաստանցիների 46 տոկոսը վստահ է, որ «Մալայզիական ավիաուղիներ»-ին պատկանող «Բոինգ-777»-ը կործանվել է ուկրաինական ռազմական օդանավի հարվածի հետևանքով: Եվս 36 տոկոսը պնդում է, թե «Բոինգ»-ի կործանման իրական պատճառը Ուկրաինայի զինված ուժերի հակաօդային պաշտպանության ստորաբաժանումների գործողություններն են:
Բավական անսպասելի այս արդյունքները «Լևադա» կենտրոնի մասնագետները ստացել են Ռուսաստանի խոշորագույն վեց քաղաքների ավելի քան 1500 բնակիչների շրջանում անցկացված հարցման միջոցով:
Գեւորգ Ստամբոլցյան
Կարդացեք նաև
Նյութի մանրամասները կարդացեք «Ազատություն» ռադիոկայանի կայքում
