ԼՂՀ ՊՆ-ն հրապարակել է զոհված զինվորների անունները

ԼՂՀ ՊՆ-ն հրապարակել է զոհված զինվորների անունները

Լեռնային Ղարաբաղի պաշտպանության նախարարությունը հրապարակել է այսօր հակառակորդի կողմից հարձակման հետևանքով զոհված զինծառայողների անունները։

«Գործողության հետևանքով զոհվել են Պաշտպանության բանակի զինծառայողներ, 1994 թ. ծնված Արարատ Վաչիկի Խանոյանը և Աշոտ Արթուրի Ասոյանը»,- հայտնում է ԼՂ պաշտպանության նախարարությունը։

Պաշտոնական հաղորդագրությունը մանրամասնում է, որ հուլիսի 31-ին հակառակորդը հարձակում էր գործել հյուսիսային հատվածում մարտական հերթապահություն իրականացնող զորամասերից մեկի պահպանության ուղղությամբ.- «Նշենք, որ հենակետում գտնվող անձնակազմը գործել է կազմակերպված, ցուցաբերել մարտական պատրաստականություն և բարոյակամային որակներ, ինչի շնորհիվ հակառակորդը, կրելով բազմաթիվ կորուստներ, հետ է շպրտվել»,- ասված է հաղորդագրությունում։

Ղարաբաղի ՊՆ-ն նաև տեղեկացնում է, որ այս պահի դրությամբ հարձակման ենթարկված տեղանքը ամբողջությամբ գտնվում է ՊԲ ստորաբաժանումների վերահսկողության տակ։ Իրականացված օպերատիվ գործողությունների արդյունքում հակառակորդից առգրավվել է մեծ քանակությամբ հատուկ սպառազինություն և տեխնիկական միջոցներ։

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

 
Առցանց Առավոտի լուրերին facebook-ով բաժանորդագրվելու համար սեղմեք