Լրահոս
Օրվա լրահոսը

Գերմանաթուրք ռեժիսորին սպառնացել են Հայոց ցեղասպանության մասին ֆիլմի համար. Hurriyet

Օգոստոս 05,2014 13:34

Թուրքական ծայրահեղ ազգայնականների խումբը սպառնացել է ծագումով թուրք, գերմանացի ռեժիսոր Ֆատիհ Ակինին՝ Հայոց ցեղասպանության մասին իր «Հատում» ֆիլմի համար, հայտնում է «Հուրիեթ»-ը:

«Օթուքեն» ամսագիրը, որը պատկանում է Թուրքիայի պանթուրանիզմի միությանը, հայտարարություն է տարածել այն բանից հետո, երբ Ակինը հարցազրույց է տվել «Ակօս» շաբաթաթերթին:

«Մենք բացեիբաց սպառնում ենք «Ակօս» թերթին, հայ ֆաշիստներին և այսպես կոչված մտավորականներին, – ասված է հայտարարության մեջ, – այդ ֆիլմը չի ցուցադրվի Թուրքիայի գեթ մեկ կինոթատրոնում: Մենք մեր սպիտակ կեպիներով և Ադրբեջանի դրոշներով հետևում ենք դեպքերի զարգացումներին»:

Սպիտակ կեպի ասելով՝ թուրք ազգայնականները վկայակոչում են Հրանտ Դինքին սպանողին՝ Օգյուն Սամասթին, որը ոճրագործության պահին սպիտակ կեպի էր կրում:

«Հատում» ֆիլմը, որի անդրանիկ ցուցադրությունը տեղի ունեցել Վենետիկի փառատոնում, պատմում է Նազարեթ Մանուկյան անունով մի տղամարդու մասին, որը, փրկվելով ցեղասպանությունից, իմանում է, որ իր զույգ դստրերը հավանաբար ողջ են ու գնում է նրանց փնտրելու:

Պատրաստեց Հովհաննես ԻՇԽԱՆՅԱՆԸ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Օգոստոս 2014
Երկ Երե Չոր Հնգ Ուրբ Շաբ Կիր
« Հուլ   Սեպ »
 123
45678910
11121314151617
18192021222324
25262728293031